ბორის ჯონსონი - ევროპის ზოგიერთ ქვეყანაში კორონავირუსის მეორე ტალღის ნიშნები შეიმჩნევა

დიდი ბრიტანეთის პრემიერ-მინისტრი ბორის ჯონსონი აცხადებს, რომ ევროპის ზოგიერთ ქვეყანაში კორონავირუსის მეორე ტალღის ნიშნები შეინიშნება.

„მოდი, გარკვევით ვისაუბროთ იმაზე, თუ რა ხდება ევროპაში, ვშიშობ, ზოგიერთ ადგილას პანდემიის მეორე ტალღის ნიშნების დანახვა დავიწყეთ“, - განაცხადა ბორის ჯონსონმა.

პრემიერ-მინისტრმა კიდევ ერთხელ გაამართლა ხელისუფლების გადაწყვეტილება ესპანეთთან მიმოსვლაზე დაწესებული შეზღუდვების შესახებ.

„ის, რაც უნდა გავაკეთოთ, არის სწრაფი და გადამწყვეტი მოქმედების განხორციელება იქ, სადაც ვირუსის გავრცელების რისკი მატულობს“, - განაცხადა ბორის ჯონსონმა.

შეგახსენებთ, გუშინ დიდი ბრიტანეთის ხელისუფლებამ საკუთარ მოქალაქეებს მოუწოდა, ესპანეთში გამგზავრებისგან, აუცილებელი შემთხვევების გარდა, თავი შეიკავონ. ქვეყანაში ესპანეთიდან ჩასული მოქალაქეებისთვის კი ორკვირიანი კარანტინი დააწესა. ამ გადაწყვეტილებას ესპანეთის პრემიერ-მინისტრმა არამართებული უწოდა და აღნიშნა, რომ მათ ქვეყანაში ტურისტები იმაზე მეტად იქნებიან დაცული, ვიდრე ისინი დიდ ბრიტანეთში არიან.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს