ჩინეთში კორონავირუსის 101 შემთხვევა დადასტურდა, რაც აპრილის დასაწყისის შემდეგ ყველაზე მაღალი დღიური მაჩვენებელია ქვეყნისთვის, - ამის შესახებ ინფორმაციას CNN-ი ჩინეთის ჯანდაცვის ეროვნულ კომისიაზე დაყრდნობით ავრცელებს.

მათივე ინფორმაციით, ახალი შემთხვევებიდან 98 შიდა გადაცემის შედეგია, საიდანაც 89 სინძიანის პროვინციაში გამოვლინდა.

ცნობისათვის, ჩინეთში კოვიდ 19-ით ინფიცირების დღიურმა რაოდენობამ 100-ს ბოლოს 12 აპრილს გადააჭარბა, როდესაც ქვეყანაში კორონავირუსის 108 ახალი შემთხვევა დადასტურდა.

ბოლო მონაცემებით, ჩინეთში, საერთო ჯამში, კორონავირუსის 84 060 შემთხვევაა დადასტურებული, აქედან 4 634 ადამიანი დაღუპულია.