აშშ-ის თავდაცვის მინისტრმა დაადასტურა, რომ აშშ გერმანიიდან 12 000-მდე ჯარისკაცს გაიყვანს, მათი ნაწილი კი კვლავ ევროპაში დარჩება

აშშ გერმანიიდან 12 000-მდე ჯარისკაცს გაიყვანს - ამის შესახებ პენტაგონში გამართულ ბრიფინგზე ამერიკის თავდაცვის მინისტრმა მარკ ესპერმა განაცხადა და საზოგადოებას ევროპაში ამერიკის ჯარების გადანაწილების გეგმა გააცნო.

„აშშ-ის შეიარაღებული ძალების ევროპული სარდლობის (EUCOM) ამჟამინდელი გეგმის თანახმად დაახლოებით 11 900 შეიარაღებული ჯარისკაცი გადანაწილდება გერმანიიდან, რაც ნიშნავს 36 000 ჯარისკაციდან 24 000-მდე შემცირებას იმგვარად, რომ გაძლიერდეს ნატო, გაიზარდოს რუსეთის შეკავება და შესრულდეს ჩემს მიერ წამოყენებული სხვა პრინციპები. ამ 11 900 ჯარისკაციდან დაახლოებით 5,600 სამხედრო მოსამსახურე გადანაწილდება ნატო-ს წევრ ქვეყნებს შორის, ხოლო 6,400 ჯარისკაცი აშშ-ში დაბრუნდება. ამ დანაყოფების უმეტესობა ან მსგავსი დანაყოფები დაიწყებენ როტაციულ განლაგებას ისევ ევროპის შიგნით“, - განაცხადა ესპერმა.

შეგახსენებთ, ივნისში ცნობილი გახდა, რომ აშშ-ის პრეზიდენტი დონალდ ტრამპი გერმანიიდან 9 500 ამერიკელი ჯარისკაცის გაყვანას აპირებდა. დონალდ ტრამპი გერმანიას საყვედურობს, რომ თავდაცვის სფეროს დაფინანსების შესახებ ნატო-ს მოთხოვნას არ ასრულებს.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს