ხატია დეკანოიძე - ხელვაჩაურის საკრებულოს თავმჯდომარე, „ნაციონალური მოძრაობის“ წარმომადგენელზე ზეწოლას ახდენს

ხელვაჩაურის საკრებულოს თავმჯდომარე, ამავე საკრებულოში „ერთიანი ნაციონალური მოძრაობის“ წარმომადგენელზე ზეწოლას ახდენს, - აღნიშნულის შესახებ დღეს გამართულ ბრიფინგზე „ერთიანი ნაციონალური მოძრაობის“ წარმომადგენელმა ხატია დეკანოიძემ ისაუბრა.

მან მოუწოდა მმართველ პარტიას, შეეშვან ადამიანებზე ზეწოლასა და მუქარას, ვინაიდან ყველა ასეთი ფაქტი აღიქმება არაჯანსაღ წინასაარჩევნო გარემოდ.

„მინდა მედიას, არასამთავრობო ორგანიზაციებსა და საზოგადოებას მივაწოდო ინფორმაცია, რომელიც ხელვაჩაურის საკრებულოში ჩვენი პარტიის წარმომადგენელ ვაჟა თავდგირიძეზე განხორციელებულ ზეწოლას გულისხმობს. თავდგირიძე უკვე თვეებია მკურნალობს მძიმე დაავადებას, სიმსივნეს. შესაბამისად, ამის ფონზე, მოუწია რამდენიმე სხდომის გაცდენა. მან წარმოადგინა ყველა სამედიცინო ცნობა, თუმცა საკრებულოს თავმჯდომარე ნადიმ ვარშამიძე, მიუხედავად ამ მდგომარეობისა, მასზე ზეწოლას ახორციელებს. მან დაიბარა თავდგირიძე და უთხრა, რომ თუ ენმ-ს დატოვებდა, მას არ შეუწყდებოდა უფლებამოსილება როგორც საკრებულოს წევრს. წინააღმდეგ შემთხვევაში იგი გამოიყენებდა ყველა ბერკეტს და უფლებამოსილებას შეუწყვეტდა.

მინდა გავაფრთხილე „ოცნების“ წარმომადგენლობა ხელვაჩაურში - არ გაბედოთ ზეწოლა, ადამიანების დაშინება. შეეშვით სუს-ის დაკვეთების შესრულებას.

იმ შემთხვევაში, თუ ზეწოლა გაგრძელდება, ჩვენ მივმართავთ სხვა ხერხებს. მივმართავთ საერთაშორისო მისიებს და დამკვირვებლებს“, - განაცხადა ხატია დეკანოიძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა