ფრაქცია „ქართული ოცნების" თავმჯდომარის, რატი იონათამიშვილის განცხადებით, გიორგი რურუასთან დაკავშირებით, სასამართლოს მიერ დღეს მიღებულმა გადაწყვეტილებამ წერტილი დაუსვა ოპოზიციის „აბსურდულ კამპანიას", რომლითაც ისინი რურუას უდანაშაულოდ წარმოჩენას ცდილობდნენ.
„ნაციონალური მოძრაობის" ხელისუფლებისგან განსხვავებით, დღეს საქართველოს ჰყავს დამოუკიდებელი და მიუკერძოებელი სასამართლო. სასამართლომ გამოიტანა ობიექტური განაჩენი კონკრეტულ სამართალდარღვევაზე და ვფიქრობ, რომ ამ განაჩენით წერტილი დაესვა კრიმინალური და ხელმოცარული ოპოზიციის იმ აბსურდულ კამპანიას, რომლებიც ცდილობდნენ, რომ მათი კრიმინალური ლიდერი უდანაშაულოდ წარმოეჩინათ ამ პროცესში,"- განაცხადა რატი იონათამიშვილმა.
ცნობისათვის, „მთავარი არხის"ერთ - ერთი მეწილე გიორგი რურუა სასამართლომ დამნაშავედ ცნო და მას თავისუფლების აღკვეთა 4 წლის ვადით შეუფარდა. აღნიშნული გადაწყვეტილება თბილისის საქალაქო სასამართლოს მოსამართლე ვალერიან ბუგიანიშვილმა გამოაცხადა. მოსამართლემ რურუა წარდგენილ ორივე მუხლში გაამტყუნა.