თამარ ბაჩალიაშვილის ოჯახი და ადვოკატი ცენტრალური კრიმინალური პოლიციის დეპარტამენტის დირექტორს ხვდებიან

23 წლის თამარ ბაჩალიაშვილის ოჯახის წევრები და მათი ადვოკატი მიხეილ რამიშვილი ამ წუთებში ცენტრალური კრიმინალური პოლიციის დეპარტამენტის დირექტორს მამუკა ჭელიძეს ხვდებიან.

როგორც ადვოკამტა უწყებაში შეხვედრამდე განაცხადა, მათ კითხვები ექნებათ საგამოძიებო მოქმედებების თაობაზე.

„მთავარი ინტერესი და კითხვები იქნება, რა ქმედებებს და საგამოძიებო მოქმედებებს განახორციელებენ, როდის იქნება მოწოდებული ვიდეო-სათვალთვალო კამერის ჩანაწერები, სატელეფონო ზარები, როდის და ვისთან იყო განხორციელებული, სამძებრო სამუშაოებთან დაკავშირებით. პოზიციები გვაინტერესებს, როგორ ვითანამშრომლებთ და რა ინფორმაცია ექნება ოჯახს და კითხვის ნიშნებზე რა პასუხები ექნება კრიმინალური პოლიციის დეპარტამენტს და ხელმძღვანელობას“, - განაცხადა ბაჩალიაშვილის ოჯახის ადვოკატმა მიხელ რამიშვილმა.

როგორც „ინტერპრესნიუსს“ შინაგან საქმეთა სამინისტროში განუცხადეს, თამარ ბაჩალიაშვილის საქმის გამოძიებას შს მინისტრის, ვახტანგ გომელაურის გადაწყვეტილებით, ცენტრალური კრიმინალური პოლიციის დეპარტამენტი აწარმოებს, შესაბამისად, ამ წუთებში ოჯახის წევრებსა და ადვოკატს ცენტრალური კრიმინალური პოლიციის დეპარტამენტის დირექტორი მამუკა ჭელიძე ხვდება.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა