„თავისუფალი საქართველო“ - პედაგოგთა უფლებები ისევ ირღვევა

დღეს „თავისუფალი საქართველოს“ ოფისში პედაგოგთა უფლებების დაცვის მიზნით, საგანგებო ბრიფინგი გაიმართა.

ბრიფინგს, პარტიის ლიდერის კახა კუკავას გარდა, განათლების ექსპერტი მანანა ნიკოლაიშვილიც ესწრებოდა.

მათი განცხადებით, განათლების სისტემაში მომუშავე მასწავლებლებს მასობრივი უმუშევრობა ემუქრებათ.

როგორც ჟურნალისტებთან შეხვედრისას ითქვა, მიმდინარე წლის 26 ივნისს, მთავრობის მიერ მიღებული დადგენილების თანახმადაც ე.წ. პრაქტიკოსი მასწავლებლის სტატუსი უქმდება, რაც საერთო ჯამში განათლების სისტემაში, დაახლოებით, 13 000 პედაგოგის უმუშევრობას გამოიწვევს. მათივე თქმით, გარდა ამისა, პრაქტიკოსი პედაგოგების ნაწილს, გამოცდებზე რეგისტრაციის საშუალება არ ეძლევათ, რომელთა რაოდენობა ბრიფინგის მონაწილეთა განცხადებით, უკვე 1 500 მასწავლებლამდე გაიზარდა.

„დროთა განმავლობაში, განათლების სფეროში კორუფციული ნიშნები სულ უფრო თვალსაჩინო ხდება. დაიწყო ე.წ კვლევები, ამ სტატუსის მისაღებად კი, უკვე ცნობილია ერაერთი ფაქტი, როდესაც კვლევას სხვა პირი ატარებს, ხოლო ამავე კვლევის შედეგებით სულ სხვა მასწავლებელი სარგებლობს, რაც განათლების სფეროში არსებულ კორუფციული გარიგებების კლასიკურ ნიმუშს წარმოადგენს“, - აღინიშნა ბრიფინგზე.

„თავისუფალი საქართველოს“ განმარტებით, გაუგებარია ის განსხვავება, რომელიც განათლების სამინისტროს სისტემაში შრომის ანაზღაურებასთან დაკავშირებით არსებობს.

„პედაგოგებს, უმნიშვნელოდ რომ გაეზარდოთ ხელფასი, მათ ამისთვის უამრავი ბარიერი უნდა გადალახონ, მაშინ, როდესაც მასწავლებელთა სახლებსა და განათლების სამინისტროს მიერ დაქვემდებარებულ სსიპ-ებში გაცილებით მაღალი ხელფასებია, თანაც ყოველგვარი აუცილებელი მაღალი აკადემიური სტანდარტების მოთხოვნების გარეშე.

ჩვენ მოვუწოდებთ პრემიერ-მინისტრ გიორგი გახარიას აღნიშნული დადგენილების საპარლამენტო არჩევნებამდე შეაჩეროს, რომელიც განათლების სისტემის ანტირეფორმის სრული განსახიერებაა“, - ითქვა საგანგებოდ გამართულ ბრიფინგზე.

ჟურნალისტებთან შეხვედრის დასასრულს „თავისუფალი საქართველო“-ს ლიდერმა კახა კუკავამ განაცხადა, რომ „საპარლამენტო არჩევნების შემდეგ, განათლების სისტემაში, უნდა დაიწყოს ყველა იმ მანკიერი გამოვლინების გადახედვა, რომელიც ჯერ კიდევ წინა ხელისუფლების დროს დაიწყო“.

აღნიშნულ ინფორმაციას „თავისუფალი საქართველო“ ავრცელებს.

ნატალი საბანაძე - ევროკავშირის გაფართოების საკითხი 15 დეკემბერს რომ ჩავარდეს, პუტინისთვის გადასარევი საახალწლო საჩუქარი იქნება - რთული სათქმელია, ორბანი პირდაპირ იღებს თუ არა დაკვეთებს, მაგრამ ფაქტია, რომ რუსეთთან რაღაც ინტერესების თანხვედრაა
ქართული პრესის მიმოხილვა 07.12.2023
კახა გოგოლაშვილი - გალის კონფლიქტების პრევენციის ფორმატი რუსეთს აფხაზეთსა და საქართველოს შორის სახმელეთო სატრანზიტო კორიდორის აღდგენისა და საქართველოსა და რუსეთს შორის ვაჭრობის გაზრდისთვის სჭირდება
თორნიკე კორძაია - „ლიბერთის“ მთავარი ძალა ჩვენიანებშია!
„ვისოლ ჯგუფმა“ დღეს ერთდროულად „საბვეის“ კიდევ 3 რესტორანი გახსნა
„ევექსის“ ბავშვთა ნეიროგანვითარების ცენტრი „კარავი“ გაიხსნა
ტექტო ჯგუფი: ISO სერტიფიკატის მფლობელი სამშენებლო კომპანია
ზუმერმა Trade-In წარადგინა