დაზარალებულ ფერმერებს „ალდაგი“ 2 მილიონამდე ლარს უნაზღაურებს

2020 წლის დასაწყისიდან დღემდე ზარალების დასაფარად სადაზღვევო კომპანია „ალდაგი“ ფერმერებს 2 მილიონამდე ლარს უნაზღაურებს.

როგორც „ინტერპრესნიუსს“ „ალდაგიდან“ აცნობეს, ბოლო სტიქიის შედეგად დაზარალებულ ფერმერებთან მუშაობა დასრულებულია და თანხების ჩარიცხვა უკვე მიმდინარეობს.

როგორც კომპანიაში აცხადებენ, „ალდაგი“ ერთადერთი კომპანიაა საქართველოში, რომელიც აგროდაზღვევის სახელმწიფო პროგრამის ფარგლებში დაზღვეულ ფერმერებს თანხას ზარალისთანავე უნაზღაურებს. ანაზღაურების ეს სისტემა „ალდაგმა“ ორი წელია დანერგა. თუ მანამდე ანაზღაურება პროდუქციის ფაქტობრივ ფასზე იყო დამოკიდებული, დღეს „ალდაგი“ ახერხებს კლიენტებს თანხა აუნაზღაუროს ზარალისთანავე, პოლისში დაფიქსირებული ფასის შესაბამისად. ამ სქემის დახმარებით, ფერმერები თანხას ზარალის დადგომისთანავე იღებენ, რაც მათ საქმიანობაში რისკებს ამცირებს და საშუალებას აძლევს, შეუფერხებლად გააგრძელონ მეურნეობა.

„საკმაოდ სერიოზული იყო წლევანდელი სტიქია. ჩვენ მაქსიმალურად მოკლე დროში მოვახერხეთ ზარალის აღწერა, ჩვენი კლიენტების მომსახურება და ამჟამად ვასრულებთ თანხების ჩარიცხვის პროცესს. მოხარული ვართ, რომ ფერმერებს დროულად ვეხმარებით, რათა მათ შეძლონ გააგრძელონ თავისის საქმიანობა სერიოზული დანაკარგების გარეშე. ზოგადად დაზღვევის მომხმარებელთა რაოდენობა წლიდან წლამდე იზრდება და ჩვენი გლეხებიც დარწმუნდნენ, რომ ფერმერული საქმიანობა დაზღვევის გარეშე ძალიან მაღალი რისკის მატარებელია“,- აცხადებენ „ალდაგში“.

„ალდაგს“ აგრო სექტორში სულ 17 მილიონ ლარზე მეტი აქვს ანაზღაურებული.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა