სამინისტრო - გორის პროფესიული კოლეჯი „განთიადი“  სოფლის მეურნეობის მიმართულებით დუალურ პროგრამებს წარმატებით ახორციელებს

საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილმა გორის პროფესიულ კოლეჯ „განთიადში“ აგრარული მიმართულების დუალური პროგრამების განხორციელებაში ჩართულ პარტნიორ დამსაქმებლებთან სამუშაო შეხვედრა გამართა.

როგორც „ინტერპრესნიუსს“განათლების, მეცნიერების, კულტურისა და სპორტის სამინისტროდან აცნობეს, შეხვედრის მიზანი იყო არსებული თანამშრომლობის შეფასება, სამომავლო გეგმების განხილვა და ახალი დუალური პროგრამების დანერგვის საჭიროებებზე მსჯელობა.

„თამარ ქიტიაშვილის განცხადებით, ბიზნეს სექტორთან თანამშრომლობა არის არსებითი პროფესიული განათლების განვითარებისა და დასაქმების კუთხით. სოფლის მეურნეობის დარგის განვითარების ხელშესაწყობად მნიშვნელოვანია ფერმერული ასოციაციების ჩართულობა დუალური პროგრამების განხორციელების პროცესში. მინისტრის მოადგილის თქმით, კოლეჯ „განთიადს“ აქვს პოტენციალი, მეტი პროგრამა შესთავაზოს როგორც აქტიურ ფერმერებს გადამზადებისთვის, ასევე ახალგაზრდებს.

კოლეჯი „განთიადი“ ათ გრძელვადიან და ხუთ მოკლევადიან მომზადება-გადამზადების პროგრამას ახორციელებს, მათ შორის სამ დუალურ პროგრამას სოფლის მეურნეობის მიმართულებით: მეხილეობა, მეფუტკრეობა და მებოსტნეობა.

2020 წლის 10 აგვისტომდე პროფესიულ პროგრამებზე რეგისტრაცია მთელი საქართველოს მასშტაბით მიმდინარეობს. ელექტრონული რეგისტრაცია შესაძლებელია ვებგვერდზე: www.vet.emis.ge“, - ნათქვამია ინფორმაციაში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია