საბერძნეთის პრემიერი მოსახლეობას ახალი შეზღუდვების შესახებ აფრთხილებს

საბერძნეთის პრემიერ-მინისტრ კირიაკოს მიცოტაკისის განცხადებით, ბერძნებმა კორონავირუსის გავრცელების საწინააღმდეგო წესები ამიერიდან კიდევ უფრო მკაცრად უნდა დაიცვან, ვიდრე ოდესმე. აქვე პრემიერი მოსახლეობას ახალი შეზღუდვების შესახებ აფრთხილებს, თუკი კორონავირუსის დღიური შემთხვევების ზრდის შემაშფოთებელი ტენდენცია არ შემცირდება.

„გასული რამდენიმე დღის განმავლობაში ჩვენ ვიხილეთ „კოვიდ-19“-ის შემთხვევების მნიშვნელოვანი ზრდა, რაც არსებითად განსხვავდება პირველი ტალღის დროს არსებული სიტუაციისგან. ეს საკითხი ჩვენ გვაღელვებს. წესების მკაცრი დაცვა ამიერიდან, ამ გადამწყვეტ მომენტში, კიდევ უფრო აუცილებელია, რათა თავიდან ავიცილოთ აგვისტოში შემთხვევების მნიშვნელოვანი ზრდა, რამაც შეიძლება საზოგადოებაში ფართო გავრცელება გამოიწვიოს და შესაძლო ახალი შეზღუდვების დაწესებამდე მიგვიყვანოს, რაც ჩვენს ეკონომიკასა და საზოგადოებას დააზიანებს.

ვიდრე მეცნიერები არ აღმოაჩენენ ასე სასურველ ვაქცინას და წამალს, ნორმალური ცხოვრების წესი, რაც იყო თებერვლამდე, უბრალოდ არ იარსებებს. ამიტომ ნებისმიერი სახის თვითკმაყოფილება გაუმართლებელია“, - აღნიშნა მიცოტაკისმა.

ცნობისთვის, საბერძნეთში 4 აგვისტოს კორონავირუსის 121 ახალი შემთხვევა დაფიქსირდა, რაც 22 აპრილის შემდეგ ყველაზე მაღალი დღიური მაჩვენებელია. საბერძნეთში ამ დრომდე ვირუსის 5 000-მდე შემთხვევაა ოფიციალურად დადასტურებული, 209 პაციენტი კი გარდაიცვალა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი