„ცხინვალი ჩვენ არ დაგვიბომბავს", „მე მახსოვს აგვისტოს დღეები", „რუსეთი ოკუპანტია" - ამ ლოზუნგებით 2008 წლის აგვისტოს ომის 12 წლისთავთან დაკავშირებით, „ერთიანი ნაციონალური მოძრაობის“ წევრები ერგნეთში ჩავიდნენ და მოსახლეობასთან ერთად, რუსეთის ოკუპაცია გააპროტესტეს.

„ერთიანი ნაციონალური მოძრაობის“ წევრი, ბადრი ბასიშვილი იმედს გამოთქვამს, რომ მშვიდობიანი გზებით საქართველო რუსეთის მიერ ოკუპირებულ ტერიტორიებს დაიბრუნებს.

„12 წლის წინ, აგვისტოს პირველი რიცხვებიდან, ცხინვალის რეგიონის სოფლების ინტენსიური დაბომბვა მიმდინარეობდა.7 აგვისტოს კი, ქართულ სოფლებზე საჰაერო იერიში დაიწყეს და ფაქტობრივად მშვიდობიანი მოსახლეობის ყოფნა შეუძლებელი იყო.

ჩვენ რუსეთი ოკუპაციას ვაპროტესტებთ. მე მჯერა, რომ აფხაზ და ოს ძმებთან ერთად ვიცხოვრებთ.

რუსეთი ჩვენს ტერიტორიას მალე დატოვებს და მშვიდობიანი გზით ტერიტორიებს დავიბრუნებთ',' - განაცხადა ბადრი ბასიშვილმა.

ინფორმაციას „ერთიანი ნაციონალური მოძრაობა“ ავრცელებს.