პოლონეთის პრემიერ-მინისტრი ბელარუსში შექმნილ ვითარებასთან დაკავშირებით ევროკავშირის საგანგებო სამიტის ჩატარების ინიციატივით გამოდის

პოლონეთის პრემიერ-მინისტრმა მატეუშ მორავეცკიმ ევროპული კომისიისა და ევროპული საბჭოს ლიდერებს მოუწოდა ბელარუსში შექმნილ ვითარებასთან დაკავშირებით ევროკავშირის საგანგებო სამიტის ჩაატარონ - ამის შესახებ ინფორმაციას The New York Times-ი პოლონეთის საგარეო საქმეთა სამინისტროზე დაყრდნობით ავრცელებს.

პოლონეთის საგარეო საქმეთა სამინისტრო გმობს ძალადობას და ბელარუსის ხელისუფლებას „სიტუაციის ესკალაციის შეწყვეტისა და ადამიანის ფუნდამენტური უფლებების პატივისცემისკენ მოუწოდებს.“

„ბელარუსში მიმდინარე მოვლენების ფონზე, პოლონეთის საგარეო საქმეთა სამინისტრო არჩევნების შემდგომი დემონსტრაციების სასტიკი ჩახშობის გამო ღრმა შეშფოთებას გამოხატავს. მკაცრი რეაგირება, მშვიდობიანი მომიტინგეების წინააღმდეგ ძალის გამოყენება და თვითნებური დაპატიმრებები მიუღებელია," - ნათქვამია სამინისტროს მიერ გავრცელებულ განცხადებაში.

ბელარუსში საპრეზიდენტო არჩევნები 9 აგვისტოს გაიმართა. ქვეყნის ცენტრალური საარჩევნო კომისიის წინასწარი შედეგების მიხედვით, ლუკაშენკომ ამომრჩევლეთა ხმების 80.23 % მიიღო, ხოლო მისმა მთავარმა ოპონენტმა, სევტლანა ციხანოვსკაიამ – 9.90 %. წუხელ, ეგზიტპოლების შედეგების გამოქვეყნების შემდეგ არჩევნების შედეგების გასაპროტესტებლად გასულ დემონტრანტებსა და პოლიციას შორის დაპირისპირება მოხდა. სამართალდამცავებმა აქციის მონაწილეების წინააღმდეგ წყლის ჭავლი და ხმოვანი ყუმბარები გამოიყენეს. უცხოური მედიის ინფორმაციით, ბელარუსის მასშტაბით 100-ზე მეტი ადამიანია დაკავებული.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს