თამარ ბაჩალიაშვილის დედა - საქმეს აჭიანურებენ და FBI-ის ჩართვა არ უნდათ

ირაკლი შოთაძემ განაცხადა, ნებისმიერ დროს შეგხვდებით, თუ რამე კითხვა გექნებათო, ვახტანგ გომელაურის განცხადების საფუძველზე კი ახლა ძალიან ბევრი კითხვა მიჩნდება, - ამის შესახებ „ინტერპრესნიუსს“ გარდაცვლილი 23 წლის პროგრამისტის, თამარ ბაჩალიაშვილის დედამ, თეონა თამაზაშვილმა განუცხადა.

აღნიშნულით ის შინაგან საქმეთა მინისტრის, ვახტანგ გომელაურის განცხადების გამოეხმაურა, რომლის მიხედვითაც, მინისტრმა აღნიშნა, რომ ბაჩალიაშვილის საქმეში FBI საჭიროების შემთხვევაში ჩაერთვება.

თეონა თამაზაშვილი მიიჩნევს, რომ პროკურატურა და შინაგან საქმეთა სამინისტრო ურთიერთგამომრიცხავ განცხადებებს აკეთებენ, რის გამოც, ის გენერალურ პროკურორთან შეხვედრას მოითხოვს.

„საქმეს აჭიანურებენ და FBI-ის ჩართვა არ უნდათ. შოთაძემ თქვა, წერილები უკვე გაგზავნილიაო, თუ წერილები და მოთხოვნა FBI-ში გაგზავნილია, ჩამოიყვანენ და მერე ეტყვიან, საქმეში ჩაგრთავთ, ან არ ჩაგრთავთო? ურთიერთგამომრიცხავ განცხადებებს აკეთებენ, ეს ყველაფერი კი დროის გაჭიანურებას ემსახურება, ამასობაში ექსპერტიზის დასკვნას დადებენ, რომ თვითმკვლელობაა და თვითმკვლელობაზე FBI-ის არ ჩამოიყვანენ“, - განაცხადა თამაზაშვილმა.

თამარ ბაჩალიაშვილის ოჯახის წევრები და ადვოკატი დღეს, დღის მეორე ნახევარში შინაგან საქმეთა სამინისტროში მივლენ, სადაც ბაჩალიაშვილის კომპიუტერიდან ამოღებული მასალები უნდა გააცნონ. თამაზაშვილის თქმით, მას უწყებაში ვახტანგ გომელაურის განცხადებასთან დაკავშირებითაც ექნება საუბარი.

იხილეთ ვიდეო: თამარ ბაჩალიაშვილის დედის განცხადებით საქმეს აჭიანურებენ და FBI-ის ჩართვა არ უნდათ

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის