ბადრი ჯაფარიძე - ქვეყანაში უნდა დასრულდეს ტოტალური არაკომპეტენტურობა,  ნეპოტიზმი და კორუფცია

„ლელოს“ გენერალური მდივნის ბადრი ჯაფარიძის განცხადებით, ის და მისი მეგობრები ქვეყნის სტრატეგიულ პარტნიორებთან და იმ ადამიანებთან ერთად, რომლებიც მსოფლიოს მოწინავე ქვეყნებში გეგმავენ და ავითარებენ ეკონომიკებს - კრიზისიდან გამოიყვანენ საქართველოს და შექმნიან ძლიერ, ეროვნული ეკონომიკის მქონე ქვეყანას.

როგორც ჯაფარიძემ მაჟორიტარი კანდიდატების წარდგენის ღონისძიებაზე განაცხადა, საბურთალოს საარჩევნო ოლქში, თანამოქალაქეებთან ერთად, დაიწყებს ქვეყნის კრიზისიდან გამოყვანას და ქვეყნის კეთილდღეობის შექმნას.

„30 წლის წინ ზვიად გამსახურდიას და მერაბ კოსტავას მიერ წამოწყებულმა ეროვნულმა მოძრაობამ ჩვენს ქვეყანას მოუტანა ნანატრი თავისუფლება. მე სხვებთან ერთად პატივი მერგო და ხელი მოვაწერე დამოუკიდებლობის აღდგენის აქტს. დღეს 30 წლის შემდეგ, სამწუხაროდ, ისევ გვიწევს საუბარი საქართველოს ეროვნული ინტერესების დაცვის აუცილებლობაზე და ევროპული ღირებულებების მნიშვნელობაზე. სამწუხაროდ, დღეს ქვეყანა ისევ ღრმა ეკონომიკურ კრიზისშია და ადამიანებს ძალიან უჭირთ, უჭირთ ისე, როგოც არასდროს. სწორედ ამიტომ გადავწყვიტე პოლიტიკაში დაბრუნება და დარწმუნებით ვამბობ, რომ საბურთალოს საარჩევნო ოლქში, ჩემს თანამოქალაქეებთან ერთად, დავიწყებ ქვეყნის კრიზისიდან გამოყვანას და ქვეყნის კეთილდღეობის შექმნას. ჩემი განვლილი ცხოვრების განმავლობაში სხვადასხვა სფეროში მომიწია საქმიანობა, ვიყავი თბილისის სახელმწიფო უნივერსიტეტის ლექტორი, ახალგაზრდებს ვუკითხავდი ლექციებს ფსიქოლოგიაში. ვიყავი დემოკრატიულად არჩეული პირველი მოწვევის პარლამენტის წევრი. ამის შემდეგ წამოვიწყე რამდენიმე წარმატებული საქმე. დავაფუძნეთ საერთაშორისო კომპანიები, რითაც ჩვენი ქვეყნის სახელი გავიტანეთ საქართველოს ფარგლებს გარეთ. აქედან გამომდინარე, კარგად ვიცი წარმატებული სისტემის შექმნის პროცესში ადამიანის როლიც და მისი მნიშვნელობაც, რადგან 30 წლის განმავლობაში შექმნილი გვაქვს ათასობით სამუშაო ადგილი“, - განაცხადა ჯაფარიძემ.

მისი თქმით, დღეს წარსულზე არ ისაუბრებს და დადგა დრო ერთად „ვიფიქროთ მხოლოდ მომავალზე. „ დღეს აქ, საქართველოს სულიერ დედაქალაქში უნდა გადავწყვიტოთ ახალი დღე საქართველოსთვის, დავსახოთ სწორი მიზნები ქვეყნისთვის, ერთმანეთისთვის და ვიმოძრაოთ საერთო ევროპული სახლისაკენ. ჩემი მიზანია, ხელი შევუწყოთ ერთხელ და სამუდამოდ საქართველოში ურთიერთდაპირისპირების, შუღლის და აგრესიის დასრულებას. ქვეყანაში უნდა დასრულდეს ტოტალური არაკომპეტენტურობა, ნეპოტიზმი და კორუფცია. მჯერა, ჩვენ ერთად გადავტეხავთ კრიზისს ქვეყანაში. ჩვენ ვისაც გვაერთიანებს და გვაახლოებს ევროპული ღირებულებები, ვისაც შეგვიძლია უწყვეტი სწრაფვა განვითარებისკენ, განახლებისკენ და ახლის შექმნისკენ. „ლელო“ თქვენთან ერთად, საქართველოს მოქალაქეებთან ერთად, ააშენებს ახალ საქართველოს: სადაც დაუშვებელი იქნება სიყალბე, დაცული იქნება ადამიანის ღირსება, დამკვიდრდება ქცევის მაღალი კულტურა და ერთმანეთის წინაშე პასუხისმგებლობის გრძნობა. რაც მთავარია, მე და ჩემი მეგობრები გპირდებით, რომ ჩვენი ქვეყნის სტრატეგიულ პარტნიორებთან და იმ ადამიანებთან ერთად, რომლებიც მსოფლიოს მოწინავე ქვეყნებში გეგმავენ და ავითარებენ ეკონომიკებს - ჩვენ კრიზისიდან გამოვიყვანთ საქართველოს და შევქმნით ძლიერ, ეროვნული ეკონომიკის მქონე ქვეყანას“, - აღნიშნა ჯაფარიძემ.

ბადრი ჯაფარიძის თქმით, არჩევნებზე ყველამ უნდა დაინახოს, რომ ქვეყანაში თავისუფლების მოყვარული, შრომისმოყვარე და ამაყი ევროპელი ხალხი ცხოვრობს. „ჩემი ცხოვრებიდან გამომდინარე, გაცნობიერებული მაქვს, რომ გამარჯვება მიიღწევა მხოლოდ თავისუფლებისკენ სწრაფვის, თავდადებული შრომისა და გულწრფელი პარტნიორობის ხარჯზე. დღეს 12 აგვისტოა. თითქმის 9 საუკუნის წინ საქართველომ თავისი გმირული ნაბიჯი გადადგა ევროპისკენ. 9 საუკუნის წინ ჩვენმა ქვეყანამ ევროპული არჩევანი გააკეთა. დღესაც ამ არჩევანის წინაშე ვდგავართ. 31 ოქტომბერს ჩვენ ეს არჩევანი საბოლოოდ უნდა გავამყაროთ და ნათლად დავანახოთ ყველას - მათ შორის ჩვენს მეგობრებს და მტრებს, რომ აქ, ამ ქვეყანაში, თავისუფლების მოყვარული, შრომისმოყვარე და ამაყი ევროპელი ხალხი ცხოვრობს.

ჩვენ აუცილებლად გავიმარჯვებთ“, - განაცხადა ბადრი ჯაფარიძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი