შაქარაშვილის დამამძიმებელ გარემოებაში განზრახ მკვლელობის ბრალდებით დაკავებული 5 პირის წინასასამართლო სხდომა 27 აგვისტოს გაიმართება

მცხეთის რაიონულ სასამართლოში ფეხბურთელ გიორგი შაქარაშვილის დამამძიმებელ გარემოებაში განზრახ მკვლელობის ბრალდებით დაკავებული 5 პირის სასამართლო პროცესი დასრულდა.

„ტოიოტა ქამრიში“ მყოფი 5 მგზავრის საქმეზე წინასასამართლო სხდომა 27 აგვისტოს, 12:00 საათზე ჩაინიშნა.

როგორც სხდომის დასრულების შემდეგ ნიკოლოზ რევაზიშვილის ადვოკატმა, შოთა კახიძემ განაცხადა, პროკურორმა წინასასამრთლო სხდომამდე 2 - კვირიანი ვადა მოითხოვა, რაც თავის გასამართლებლად და საჭირო არგუმენტების წარმოსადგენად საკმარისი დრო არ არის.

,,პროკურორმა წინასასამართლო სხდომამდე მოითხოვა 2- კვირიანი ვადა, თუმცა ამ 2- კვირიან ვადას უნდა გამოვაკლოთ 6 დღე, ვინაიდან, უნდა მოხდეს საქმის მასალების გაცვლა, რაც ნიშნავს, რომ პროკურატურა 9 დღეში ასრულებს ამ საქმის გამოძიებას. სასამართლომ სრულად გაიზიარა პროკურორის ეს მოთხოვნა, რომ 9 დღეში მოხდეს საქმის დასრულება. არ გაიზიარა დაცვის მხარის განცხადება იმასთან დაკავშირებით, რომ ჩვენ თავის გასამართლებლად და საჭირო არგუმენტების წარმოსადგენად დრო გვჭირდება. პროკურატურა და სასამართლო რეალურად მხარეა და წარმოადგენს პოლიტიკურ იარაღს ხელისუფლების ხელში. ჩემი დაცვის ქვეშ მყოფმა პროცესზე მკაფიოდ აღნიშნა, რომ იგი არის უდანაშაულო და თავს დამნაშავედ არ ცნობს", - აღნიშნა შოთა კახიძემ.

გიორგი შაქარაშვილის საქმის პროკურორის, დავით ყაზარაშვილის თქმით, ბრალდების მხარეს აქვს მოლოდინი, რომ საქმე არსებით განხილვას გადაეცემა, რადგან საქმეში მოიპოვება საკმარისი მტკიცებულებები.

“ დღეს, სასამართლომ განიხილა ბრალდების მხარის შუამდგომლობა წინასასამართლო სხდომის განსაზღვრასთან დაკავშირებთ და მივიღეთ გადაწყვეტილება, რომ მოცემულ სისხლის სამართლის საქმეზე, წინასასამართლო სხდომა ჩატარდეს 2020 წლის 27 აგვისტოს. ბრალდების მხარეს, რა თქმა უნდა, აქვს მოლოდინი იმ მტკიცებულებების გათვალისწინებით, რომელიც საქმეშია მოთავსებული, რომ სასამართლო ალბათობის მაღალი ხარისხით იმსჯელებს და გადაცემს საქმეს არსებითი განხილვისთვის“, - განაცხადა დავით ყაზარაშვილმა.

შეგახსენებთ, რომ რამდენიმე დღის წინ პროკურატურამ „ტოიოტა ქამრის“ მგზავრების - 5 პირის მიმართ სისხლის სამართლებრივი დევნა დაიწყო 109-ე მუხლის მეორე ნაწილის „ე“ ქვეპუნქტით ჩადენილი დანაშაულისთვის, რაც განზრახ ჯგუფურად ჩადენილ მკვლელობას გულისხმობს. აღნიშნულ საქმეზე ბრალი ვახტანგ ჩიქოვანს, არჩილ გაგნიძეს, ნიკოლოზ რევაზიშვილს, არასრულწლოვნებს ა.ქ.-ს და ზ.ხ.-ს დაუმძიმდათ.

ყველა მათგანს აღკვეთის ღონისძიების სახით პატიმრობა აქვს შეფარდებული.

იხილეთ ვიდეო:შაქარაშვილის დამამძიმებელ გარემოებაში განზრახ მკვლელობის ბრალდებით დაკავებული 5 პირის წინასასამართლო სხდომა 27 აგვისტოს გაიმართება

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს