კალიფორნიის ჩრდილოეთ და ცენტრალურ ნაწილში უკვე რამდენიმე დღეა ძლიერ ხანძრებს ებრძვიან. BBC-ის ინფორმაციით, სტიქიურ უბედურებას სულ მცირე 6 ადამიანი ემსხვერპლა.

ძლიერი დაკვამლიანების გამო ქალაქ სან-ფრანცისკოში მცხოვრები ათასობით ადამიანი იძულებული გახდა სახლები დაეტოვებინა და დროებით თავშესაფარში გადასულიყო.

გამოცემის ცნობით, ცეცხლმა შტატში ასობით შენობა გაანადგურა და კიდევ ათასობით მათგანს საფრთხე ემუქრება. შტატში ხანძრის ჩაქრობას 10 000-ზე მეტი მეხანძრე და ათობით ვერტმფრენი ცდილობს. გავრცელებული ვერსიით, კალიფორნიაში ცეცხლის გაჩენის მიზეზი მეხის დაცემა გახდა.