ტურისტული კომპანია Treveler.ge-ის ხელმძღვანელი და თანამშრომელი გამოკითხვაზე იმყოფებოდნენ

ტურისტული კომპანია Treveler.ge-ის ხელმძღვანელი და თანამშრომელი, პოლიციის მცხეთის განყოფილებაში გამოკითხვაზე იმყოფებოდნენ. ამის შესახებ „ინტერპრესნიუსს“ თავად გამოკითხვაზე მყოფმა კომპანიის თანამშრომელმა განუცხადა. საუბარია კომპანიაზე, რომლის კუთვნილი სამარშრუტო ტაქსის მონაწილეობით გუშინ შატილის გზაზე ავტოსაგზაო შემთხვევა მოხდა.

კომპანიის თანამშრომლის ინფორმაციით, სამართალდამცავები ტურზე მყოფი მოქალაქეების ვინაობით და მათი საკონტაქტო ინფორმაციით დაინტერესდნენ.

„გამოკითხვაზე ვიყავი ღამით და დილით დასრულდა. ჩემთან ერთად იყო კომპანიის ხელმძღვანელი შალვა ბოლოთაშვილი. მე ამ ეტაპზე ვიყავი ოპერატორი და ვპასუხობდი სატელეფონო ზარებს, ისე გიდი ვარ. გამოკითხვაზე დაინტერესდნენ ტურზე მყოფი ადამიანების სიით და ტელეფონის ნომრებით. დანარჩენი რაც აინტერესებდათ და რაც საჭირო იყო გამოძიებისთვის და შემეძლო რამეში დახმარება, დაწვრილებით მივაწოდე ინფორმაცია,“- განაცხადა „ინტერპრესნიუსთან“ საუბარში კომპანიის თანამშრომელმა.

შეგახსენებთ, დუშეთის მუნიციპალიტეტში, შატილის გზაზე მიკროავტობუსი 80 მეტრის სიმაღლიდან გადავარდა. ბოლო მონაცემებით, 17 ადამიანი გარდაიცვალა, 3 კი დაშავდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს