გიორგი ვაშაძე გიორგი გახარიას - როდესაც ვამბობთ, რომ დღეს საქართველოში საკუთარ თავს უსაფრთხოდ არავინ  გრძნობს, ეს თქვენი დანაშაულია

„სტრატეგია აღმაშენებლის“ ლიდერის გიორგი ვაშაძის განცხადებით, საქართველოში კატასტროფული კრიმინოგენური მდგომარებაა.

მისივე თქმით, “დამსხვრეული ოცნებების” პარტიის ძალისხმევით, სამართალდამცავი უწყებები სრულიად ჩამოშლილია, საქართველოში ხალხი თავს დაცულად ვერ გრძნობს და ქართული პოლიციის საქმიანობის პრინციპები ფაქტობრივად, დეგრადირებულია.

ვაშაძის განცხადებით, მიუღებელია, პოლიცია მხოლოდ პოლიტიკური დავალებების შესრულებისთვის გამოიყენო და ადამიანების გაუჩინარების, მკვლელებისა თუ სხვადასხვა კრიმინალური დანაშაულებების გამოძიება არ გაღელვებდეს და გვერდით გადადო. „სტრატეგია აღმაშენებლის“ ლიდერი ხელისუფლებას „ბურუსით მოცული კრიმინალური საქმეების“ დროულად გამოძიებისკენ მოუწოდებს.

“ქვეყანაში უმძიმესი კრიმინოგენური მდგომარეობაა. დღეს ხელისუფლების უმოქმედობის შედეგად დაზარალებულ ერთ-ერთ ოჯახში ვიმყოფებოდი, ლალი კანიაშვილი 4 წელია ითხოვს საკუთარი შვილის, 24 წლის რუსუდან ახალბედაშვილის გაუჩინარების საქმის სრულფასოვან გამოძიებას. უამრავი პასუხგაუცემელი კითხვა და ლაფსუსია გამოძიების ირგვლივ. ეს უმძიმესი ტრაგედიაა ოჯახისთვის, როცა 24 წლის გოგოა გაუჩინარებული და კიდევ უფრო დიდი ტრაგედიაა, როცა გულგრილი დამოკიდებულებაა სამართალდამცავი ორგანოების მხრიდან.

მივმართავ პრემიერ-მინისტრ გახარიას და შინაგან საქმეთა მინისტრს - რა არის თქვენი ფუნქცია თუ არა კრიმინალური საქმეების გამოძიება? როდესაც ვამბობთ, რომ დღეს საქართველოში საკუთარ თავს უსაფრთხოდ არავინ გრძნობს, ეს თქვენი დანაშაულია, სწორედ ასეთი გამოუძიებელი და ბურუსით მოცული საქმეები იძლევა ამის საბაბს. არ შეიძლება, პოლიცია მხოლოდ პოლიტიკური დავალებების შესრულებისთვის იქნას გამოყენებული და არ აღელვებდეს ამდენი ადამიანის გაუჩინარება, მკვლელობა თუ ქვეყანაში არსებული ძალადობის ფაქები.

უმძიმესი სურათია, რაც დღეს საქართველოში ხდება და ეს აუცილებლად უნდა შევცვალოთ ყველამ ერთად, რადგან, სამწუხაროდ, დღევანდელ ხელისუფლებას თავისი თავის გარდა არაფერი აინტერესებს. პოლიციის სისტემის ასეთი დეგრადირება უკვე კატასტროფაა,“ - განაცხადა გიორგი ვაშაძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა