„ქართული ოცნების“ გენერალური მდივნის, კახა კალაძის განცხადებით, იმ შემთხვევაში, თუ პარტია დაფინანსების შესახებ არსებულ კანონს არღვევს, ეს შესაბამისმა სამსახურებმა უნდა შეისწავლონ.
ასე გამოეხმაურა კახა კალაძე „ნაციონალური მოძრაობის“ მოთხოვნას, რომ „პატრიოტთა ალიანსს“ არჩევნებში მონაწილეობის მიღების უფლება არ მიეცეს.
„პარტიების დაფინანსება კანონმდებლობით არის განსაზღვრული. თუ რომელიმე პოლიტიკური პარტია არღვევს კანონს, ამას სჭირდება შესწავლა შესაბამისი სამსახურების მხრიდან და შემდეგ მოჰყვება რეაგირება, თუ რაიმე არასწორად არის,“ - განაცხადა კახა კალაძემ.
ცნობისთვის „ერთიანი ნაციონალური მოძრაობა“ „პატრიოტთა ალიანსის“ საპარლამენტო არჩევნებიდან მოხსნას ითხოვს. ამის მიზეზად კი იმას ასახელებს, რომ „პატრიოტთა ალიანსს“ რუსეთის ფედერაცია აფინანსებს.