ხაშურის მუნიციპალიტეტში 2 ძმა ჭაში გარდაცვლილი ნახეს
ხაშურის მუნიციპალიტეტის სოფელ ალიში 2 ახალგაზრდა მამაკაცი ჭაში გარდაცვლილი ნახეს.
არსებული ინფორმაციით, ერთ-ერთი ახალგაზრდა ჭაში გასაწმენდად ჩავიდა, შეუძლოდ გახდა და მეორე მის დასახმარებლად ჩავიდა. ადგილზე მისულ მაშველებს აღნიშნული პირები ჭაში, უგონო მდგომარეობაში დახვდნენ.
არსებული ინფორმაციით, დაღუპულები ძმები არიან.
როგორც „ინტერპრესნიუსს“ შსს-ში განუცხადეს, გარდაცვლილთა ცხედრები უკვე ამოყვანილია. გამოძიება სისხლის სამართლის კოდექსის 116-ე მუხლის მეორე ნაწილით დაიწყო, რაც გაუფრთხილებლობით სიცოცხლის მოსპობას გულისხმობს.
