ვენესუელას დე ფაქტო პრეზიდენტმა ნიკოლას მადურომ 100-ზე მეტი ოპოზიციონერი შეიწყალა. პრეზიდენტის თქმით, მისი მიზანია ოპოზიციის წარმომადგენლებსა და ხელისუფლებას შორის ურთიერთობა გაუმჯობესდეს. მედიის ინფორმაციით, გათავისუფლებული პოლიტიკოსების ნაწილმა ვენესუელა უკვე დატოვა, ნაწილი კი ჯერჯერობით ისევ საპატიმროში რჩება.
შეწყალებულებს შორის არის ოპოზიციის ლიდერ ხუან გუაიდოს თანაგუნდელი, რობერტო მორერა, რომელიც 2019 წლის მარტში ტერორიზმის ბრალდებით დააკავეს.
ოპოციზიის წარმომადგენლები ამ გადაწყვეტილებას არჩევნებს უკავშირებენ, რომელიც 6 დეკემბერს გაიმართება.
ვენესუელაში კრიზისი 2019 წლის იანვრიდან მას შემდეგ დაიწყო, რაც ოპოზციის ლიდერმა ხუან გუაიდომ თავი დროებით პრეზიდენტად გამოაცხადა. მას მხარს 50-ზე მეტი ქვეყანა უჭერს.