რუს ოპოზიციონერ ლიდერ ალექსეი ნავალნიზე განხორციელებული თავდასხმა საზიზღარი და მხდალი ქმედებაა, დამნაშავეები მართლმსაჯულების წინაშე უნდა წარსდგნენ, - ამის შესახებ ევროკავშირის კომისიის პრეზიდენტი ურსულა ფონ დერ ლაიენი სოციალურ ქსელ „ტვიტერში“ წერს.

„კანცლერმა მერკელმა მომაწოდა ინფორმაცია, რომ ალექსეი ნავალნის საკუთარ ქვეყანაში ნერვული აგენტით დაესხნენ თავს. ეს კიდევ ერთი საზიზღარი და მხდალი ქმედებაა. დამნაშავეები მართლმსაჯულების წინაშე უნდა წარსდგნენ“, - წერს ურსულა ფონ დერ ლაიენი.

შეგახსენებთ, გუშინ გერმანიის მთავრობამ განაცხადა, ალექსეი ნავალნი „ნოვიჩოკის“ მსგავსი ნერვული აგენტით მოწამლეს.