რატი იონათამიშვილი - არავის მივცემთ უფლებას, რომ არჩევნების სამართლიანობასა და გამჭვირვალობას ხელი შეუშალოს

არავის მივცემთ უფლებას, რომ არჩევნების სამართლიანობასა და გამჭვირვალობას ხელი შეუშალოს, - ამის შესახებ საპარლამენტო ფრაქციის „ქართული ოცნება" თავმჯდომარემ, რატი იონათამიშვილმა მედიას განუცხადა.

მისი თქმით, „საარჩევნო კოდექსში“ ცვლილებების მიზანია, მიზანი არის, რომ დაიცვას ამომრჩევლის ხმის უფლება და ვერავინ მოახდინოს მასზე ზეგავლენა არაკეთილსინდისიერი გზით.

„ცვლილებები „საარჩევნო კოდექსში" უკვე დამტკიცებულია. ამ ინიციატივის მიზანი არის, რომ დაიცვას ამომრჩევლის ხმის უფლება და ვერავინ მოახდინოს მასზე ზეგავლენა არაკეთილსინდისიერი გზით. დისკუსიამ რომელიც ამ ინიციატივის გარშემო წარიმართა, როგორც აღმოჩნდა ოპოზიციამ სხდომაზე არც კი იკადრა რომ მოსულიყო და ოპონირება გაეწია ჩვენთვის, ზუსტად აჩვენა, რომ 2020 წლის საპარლამენტო არჩევნებისთვის ერთ მხარეს არის „ქართული ოცნება" - ვისაც სურს რომ დემოკრატიულად წარიმართოს ეს საარჩევნო პროცესი და ევროპული სტანდარტი იყოს დამკვიდრებული და მეორე მხრივ, არის რადიკალური ოპოზიცია, რომელიც ცდილობს, რომ ისევ სიძულვილის ენაზე, აგრესიაზე და პროვოცირებაზე, დაძაბულობაზე გააკეთოს აქცენტები. ცხადია, მსგავსი სტრატეგია ვეღარ იმუშავებს და ჩვენც არავის მისცემთ უფლებას, რომ არჩევნების სამართლიანობასა და გამჭვირვალობას ხელი შეუშალოს", - განაცხადა რატი იონათამიშვილმა, რომლის კომენტარსაც პარლამენტის პრესსამსახური ავრცელებს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა