ამირან გამყრელიძე - არავითარი ჩაკეტვა არც ბათუმის და არც აჭარის არ იქნება!

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, ქვეყანაში ეპიდვითარება სრულად კონტროლირებადია და განგაშის საფუძველს არ იძლევა, თუმცა საყურადღებოა.

„ეპიდსიტუაცია მთლიანად ქვეყანაში სრულად კონტროლირებადი და მართვადია. არაფერია საპანიკო და არავითარი განგაშის საფუძველი ჩვენ არ გვაქვს, მაგრამ სიტუაცია საყურადღებოა. ეს სიტუაცია პროგნოზირებადი იყო, იმიტომ, რომ ამ ზაფხულს და განსაკუთრებით აგვისტოში, ჩვენ ძალიან დიდი მობილობა გვქონდა აჭარის რეგიონში, უნდა დავიცვათ რეგულაციები!“- განაცხადა გამყრელიძემ.

მისივე შეფასებით, აჭარაში დადასტურებულ შემთხვევათა რაოდენობა რადიკალური ზომების მიღების საჭიროებას არ წარმოქმნის.

„არავითარი ჩაკეტვა არ იქნება არც ბათუმის და არც აჭარის. ეს არ არის შემთხვევების ის რაოდენობა, რაღაც რადიკალური ზომები რომ იქნას მიღებული, მაგრამ მიმდინარეობს გაფართოებული კვლევები, რომელიც კიდევ უფრო გაფართოვდება. მოვუწოდებ ხალხს, რომ მივიდნენ გამოკვლევაზე. როგორც იცით, აქ გამონაკლისია და უფასოდ კეთდება კვლევები, ბათუმის ბულვარში 3 ადგილას, ბათუმის პოლიკლინიკებში, ასევე ქობულეთში. რაც მეტი ადამიანი გამოიკვლევა, ადრეულ ეტაპზე გამოვავლენთ ინფიცირებულებს და მათ იზოლაციას მოვახდენთ, მით უფრო აღვკვეთავთ ინფექციის შემდგომ გავრცელებას,“- განაცხადა გამყრელიძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით