აშშ-ის სახელმწიფო მდივნის მოადგილემ სტივენ ბიგანმა აშშ-ში რუსეთის ელჩთან, ანატოლი ანტონოვთან, შეხვედრისას ალექსეი ნავალნის „ნოვიჩოკის“ ჯგუფის ქიმიური ნერვული აგენტით მოწამვლის შესახებ გერმანიის მთავრობის დასკვნის გამო უკიდურესი შეშფოთება გამოთქვა, - ამის შესახებ ინფორმაციას სახელმწიფო დეპარტამენტი ავრცელებს.

„სახელმწიფო მდივნის თანაშემწემ აღნიშნა, რომ რუსეთის მიერ მომწამვლელი ნივთიერების გამოყენება მის მიერ ქიმიური იარაღის კონვენციით აღებული ვალდებულებების დარღვევა იქნება. მან რუსეთს მოუწოდა, სრულად ითანამშრომლოს ამ თავდასხმასთან დაკავშირებულ საერთაშორისო საზოგადოების გამოძიებასთან,“- აღნიშნულია უწყების ვებგვერდზე განთავსებულ ინფორმაციაში.

შეგახსენებთ, რამდენიმე დღის წინ გერმანიის მთავრობამ განაცხადა, რომ რუსი ოპოზიციონერი ალექსეი ნავალნი „ნოვიჩოკის“ ჯგუფის ნერვული აგენტითაა მოწამლული.