მეუფე იაკობი - თუ მღვდელმთავარს საკუთრება აქვს, ანდერძი უნდა დაწეროს და სიკვდილის შემდეგ, ეკლესიას გადაეცემა, ჩვენს მღვდელმთავრებს ანდერძები დაწერილი აქვთ

მღვდელმთავარს თუ აქვს რამე პირადი საკუთრება, სიცოცხლეშივე უნდა დაწეროს ანდერძი და ჯვარი წერია ყველას, როცა დადგება მისი სიკვდილი, გადაეცემა ეკლესიას. ჩვენს მღვდელმთავრებს ანდერძები დაწერილი აქვთ, - ამის შესახებ ბოდბელმა მთავარეპისკოპოსმა, მეუფე იაკობმა ქადაგებისას განაცხადა.

მისი თქმით, ქართველი მღვდელმთავრები სჯულის კანონის მიხედვით მოქმედებენ.

„ტელევიზიით გადის ხოლმე მღვდელთმთავრების ქონებებზე, სჯულის კანონიდან ვიღაცები მოჰყავთ ხოლმე... რჯულის კანონი რომ გადაშალოთ, იქ პირდაპირ წერია, რომ მღვდელმთავარს თუ აქვს რამე პირადი საკუთრება, სიცოცხლეშივე უნდა დაწეროს ანდერძი და ჯვარი წერია ყველას, როცა დადგება მისი სიკვდილი, გადაეცემა ეკლესიას. ჩვენს მღვდელმთავრებს ანდერძები დაწერილი აქვთ. პირადად ჩემზე თუ გაინტერესებთ, ეკლესიაში რომ წავედი მთელი ჩემი ქონება დავთმე და გადავეცი, მაგრამ ვისაც აქვს, არავითარი დანაშაული არ არის, რჯულის კანონის მიხედვით მოქმედებენ. არასწორად განმარტავენ ხოლმე“, - განაცხადა მეუფე იაკობმა.

მეუფეს თქმით, ეკლესიას მტრები ებრძვიან.

„შეხედეთ როგორი ბრძოლაა ეკლესიის მისამართით, ხან იმას გამოჩხრიკავენ, ვითომ ქონებაო.. მაგათ ეგ აინტერესებთ? ეკლესიის დამცრობა უნდათ იმიტომ, რომ შეკვეთა აქვთ ჩვენი მტრებისგან იმისი, რომ ინდენტობის მატარებელი აღარ დაგვრჩეს. დღესაც შევხედოთ თუ რამე ტერიტორია გვაქვს დაკარგული, ჩვენს ეკლესიას იქ იურისდიქცია გაგვაჩნია. სახელმწიფოს არ გააჩნია. ქვეყანა დიდი გვაქვს, მაგრამ სახელმწიფო დაგვიპატარავდა და ვინ იბრძვის ამისთვის? ვინც ებრძის ეკლესიას, დიქტორებზე არ მაქვს საუბარი, რომ გამოდიან გოგო-ბიჭები და ტელევიზორიდან რომ გვესაუბრებიან, მე მაქვს საუბარი იმათზე, ვინც მართავს ტელევიზიებს, ჩვენ რა არ ვიცით რა ფულით სპონსორდებიან? ისინი ებრძიან საქართველოს წარსულს, საქართველოს აწმყოს და საქართველოს მომავალს“, - განაცხადა მეუფე იაკობმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა