ყველა თანხმდება, რომ სასამართლოს მიმართულებით ქვეყანაში პროგრესი არის, - ამის შესახებ პრემიერ-მინისტრმა, გიორგი გახარიამ ჟურნალისტებთან, სასამართლოს ნაწილზე freedom house-ის ანგარიშის კომენტირებისას განაცხადა.
როგორც მან აღნიშნა, ამ საკითხზე მჭიდროდ თანამშრომლობენ საერთაშორისო პარტნიორებთან.
„სასამართლოს მიმართულებით ყოველთვის ვამბობდით და კიდევ ერთხელ გავიმეორებ, სასამართლოს რეფორმები მიმდინარეობს თანმიმდევრულად, იცით რომ ახლა მეოთხე ტალღისთვის ვემზადებით. ჩვენ ამ მიმართულებით უმჭიდროვესი თანამშრომლობა გვაქვს ჩვენს საერთაშორისო პარტნიორებთან და ყველა თანხმდება იმაზე, რომ სასამართლოს მიმართულებით ქვეყანაში პროგრესი არის. დღეს ეს პროგრესი აბსოლუტურად ნათელია, თუ შევადარებთ გუშინდელ დღეს. ხვალ ეს პროგრესი იქნება კიდევ უფრო მეტი“, - განაცხადა გახარიამ.
