პარლამენტის დამოუკიდებელი დეპუტატი, პარტია "სამართლიანობისთვის" ლიდერი ეკა ბესელია მიიჩნევს, რომ არჩევნების შემდეგ არ შეიქმნება იმ ტიპის რეალობა, სადაც გიორგი ვაშაძე პრემიერ - მინისტრი იქნება. ბესელია ამბობს, რომ ეს უფრო თავად ვაშაძის ოცნებაა.
"არ ვხედავ ასეთი ტიპის რეალობას, რომ ვაშაძე შეიძლება, გახდეს პრემიერ- მინისტრი. ეს მისი სურვილია, მისი ოცნებაა, მაგრამ მე პირადად ასეთ რეალობას გამოვრიცხავ", - განაცხადა ბესელიამ.
ცნობისთვის, ტელეკომპანია "პალიტრანიუსის" გადაცემა "პოლიტ-ქალაქში" გიორგი ვაშაძემ განაცხადა, რომ როცა ქვეყნის პრემიერ-მინისტრი იქნება, სხვებს იმ განრიგზე აწყობა მოუწევთ, რომელიც აღმშენებლობის სტრატეგიაში აქვთ.