ელენე ხოშტარია -  დამოკიდებულება, სადაც რა ჩაეტევა ის ააშენო, უბრალოდ, დაანგრევს ჩვენ ქალაქს

„ევროპული საქართველოს“ მაჟორიტარობის კანდიდატი ვაკე - საბურთალოს ოლქში, ელენე ხოშტარია, წყნეთში, ადგილობრივი მოსახლეობის პროტესტს შეუერთდა, რომლებიც მრავალბინიანი საცხოვრებელი სახლის მშენებლობას აპროტესტებენ.

ელენე ხოშტარიას თქმით, უნდა დაკმაყოფილდეს ადგილობრივების მოთხოვნა და მშენებლობის პროცესი უნდა შეჩერდეს ვიდრე, არ იქნება შესწავლილი და გამოკვლეული შესაბამისი საფრთხეები. ხოშტარიამ აღნიშნა, რომ განაშენიანების ამგვარი პოლიტიკა ქალაქს დაანგრევს.

„მოსახლეობის მოთხოვნა არის, რომ ახლა ეს პროცესი შეჩერდეს, სერიოზული შესწავლა მოხდეს აქ საშიშროების და მხოლოდ ამის შემდეგ იქნას მიღებული გადაწყვეტილება. გლობალურად კი, გადაწყვეტილების მიღების მექანიზმი, სადაც ფორმალობაა ბუნების შესწავლა და ისე გაიცემა ნებართვები, უნდა შეიცვალოს. ასეთი დამოკიდებულება, რომ სადაც რა ჩაეტევა ის ააშენო, უბრალოდ, დაანგრევს ჩვენ ქალაქს“, - განაცხადა ელენე ხოშტარიამ.

ელენე ხოშტარიას განცხადებას „ევროპული საქართველოს“ პრესსამსახური ავრცელებს.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა