ქიმიური იარაღის აკრძალვის ორგანიზაციის (OPCW )დელეგაცია ბერლინის Charite-ის საავადმყოფოს სტუმრობდა, სადაც მათ ალექსეი ნავალნის ანალიზების პასუხები გადასცეს,- ამის შესახებ გამოცემა Der Spiegel-ი წერს.
გამოცემის ცნობით, OPCW-ი გამოძიებაშია ჩართული და მას კლინიკაში ანალიზების პასუხებთან ერთად ნავალნის სისხლისა და შარდის ნიმუშებიც გადასცეს.
Der Spiegel-ი ასევე წერს, რომ გერმანიის ფედერალური სადაზვერვო სამსახურის (BND) პრეზიდენტმა ბრუნო კალმა დახურულ შეხვედრაზე განაცხადა, რომ ნავალნის, სავარაუდოდ, „ნოვიჩოკის“ ძლიერ ფორმასთან ჰქონდა შეხება.