საფრანგეთის დედაქალაქ პარიზში მოძრაობა „ყვითელი ჟილეტების“ აქტივისტებმა მორიგი საპროტესტო აქცია გამართეს. ისინი ქალაქის 2 სკვერში შეიკრიბნენ და პარიზის ცენტრისკენ მსვლელობა გამართეს.
აქტივისტების ნაწილმა მარშრუტს გადაუხვია და ავტომობილსა და ნაგვის ურნებს ცეცხლი წაუკიდა, რასაც სამართალდაცავების მხრიდან ცრემლსადენი გაზის გამოყენება მოჰყვა. პოლიციამ 150-ზე მეტი აქტივისტი დააკავა.
შეგახსენებთ, პარიზსა და საფრანგეთის სხვა დიდ ქალაქებში „ყვითელი ჟილეტის“ მოძრაობის საპრტოტესტო აქციები 2 წლის წინ მას შემდეგ დაიწყო, რაც პრეზიდენტმა ემანუელ მაკრონმა საწვავზე ფასის ზრდა დაანონსა.