ფეხბურთელ გიორგი შაქარაშვილის საქმეზე დაკავებული 11 პირიდან ბრალს არც ერთი აღიარებს. სასამართლო პროცესზე, რომელიც მცხეთის რაიონულ სასამართლოში მიმდინარეობს, ბრალდებულებმა განაცხადეს, რომ დუმილის უფლებით სარგებლობენ.

პროცესის დაწყებისთანავე ერთ-ერთმა დაკავებულმა, ნიკოლოზ რევაზიშვილმა განაცხადა, რომ მას განცხადების გაკეთება სურდა. ის სავარაუდოდ, განცხადებას მოგვიანებით, სხდომის დასრულებამდე გააკეთებს.

ნიკოლოზ რევაზიშვილმა ასევე დღევანდელ სასამართლო პროცესზე განაცხადა, რომ ის უდანაშაულოა.

ცნობისთვის, დაკავებულებს ძალადობას, ჯგუფური ძალადობის ორგნიზებას, მასში მონაწილეობას, სხეულის მსუბუქ დაზიანებას და თავისუფლების უკანონო აღკვეთას ედავებიან.