სერგო რატიანი - “ოცნების“ ხელისუფლება სრულ აგონიაშია, სკოლის დირექტორების მიმართ სადამსჯელო ღონისძიება ჩაატარეს

“ევროპული საქართველოს’’ ჭიათურის, საჩხერისა და ხარაგაულის მაჟორიტარობის კანდიდატის, სერგო რატიანის განცხადებით, ხელისუფლებამ სკოლის დირექტორების მიმართ „ფართომასშტაბიანი სადამსჯელო ღონისძიება განახორციელა“.

როგორც რატიანი განმარტავს, 2014 წელს არჩეული სკოლის დირექტორები თანამდებობიდან გაათავისუფლეს და მათი მოვალეობის შემსრულებლად დანიშნეს ის ადამიანები, რომლებიც ხელისუფლების მიმართ ლოიალურად არიან განწყობილი.

“ქართული ოცნების“ ხელისუფლება იმყოფება სრულ აგონიაში. ამას ადასტურებს ის, რომ ამ დღეებში მათ განახორციელეს ფართომასშტაბიანი სადამსჯელო ღონისძიება სკოლის დირექტორების მიმართ. გაათავისუფლეს სკოლების ყველა ის დირექტორი, რომელიც არჩეული იყო 2014 წელს. ფაქტობრივად, წინასწარ, განზრახულად არ ჩაატარეს კონკურსი, არ დაიწყეს დირექტორის კონკურსის პროცედურა და შესაბამისად, გაათვისუფლეს ყველა და მოვალეობის შემსრულებლად დატოვეს ის დირექტორები, რომლებიც მათ მიმართ შედარებით ლოიალურად არიან განწყობილნი. ეს არის უპრეცედენტო მასშტაბური შეტევა სკოლაზე. აი ასე მიულოცა „ქართულმა ოცნებამ“ 15 სექტემბერი ჩვენს სკოლას“, - განაცხადა რატიანმა.

მისივე თქმით, განათლების სამინისტრომ უნდა განმარტოს, თუ რატომ არ ჩატარდა მიმდინარე წელს დირექტორთა შესარჩევი კონკურსი.

„ყველამ იცის, რომ ჩატარდა ეროვნული გამოცდები, ჩატარდა სხვა კონკურსები და არ ჩატარებულა სკოლის დირექტორის კონკურსი. ჩვენ ვითხოვთ, რომ განათლების სამინისტრომ გააკეთოს განმარტება, თუ რატომ არ დაიწყო წელს ზაფხულში კონკურსის პროცედურა და სასწრაფოდ დაიწყოს ეს პროცედურა. ეს დირექტორები უნდა დააბრუნონ სკოლაში, დანიშნონ მოვალეობის შემსრულებლად და პარალელურად, დაუყოვნებლივ უნდა დაიწყონ კონკურსი“, - განაცხადა რატიანმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით