რუსეთში, ბოლო დღე-ღამის განმავლობაში, კორონავირუსის 5 670 ახალი შემთხვევა გამოვლინდა და დაინფიცირებულთა საერთო რაოდენობამ 1 079 519-ს მიაღწია, - ამის შესახებ ინფორმაციას კორონავირუსთან ბრძოლის მიზნით შექმნილი ოპერატიული შტაბი ავრცელებს.
მათივე ინფორმაციით, კორონავირუსით რუსეთში კიდევ 132 ადამიანი გარდაიცვალა და ლეტალური შემთხვევების რიცხვმა, საერთო ჯამში, 18 917-ს მიაღწია. ოფიციალური სტატისტიკით, რუსეთში კოვიდ 19-სგან 890 114 პაციენტი გამოჯანმრთელდა.
ცნობისთვის, მსოფლიოში ინფიცირებულების რაოდენობით, აშშ-ს, ინდოეთისა და ბრაზილიის შემდეგ რუსეთი მეოთხე ადგილზეა.