მე არ ვფიქრობ, რომ ადეკვატური პასუხი შეიძლება მოეძებნოს იმ განცხადებებს, რომელსაც სააკაშვილი ისვრის პერიოდულად, - ამის შესახებ პარლამენტის ვიცე-სპიკერმა გია ვოლსკიმ საქართველოს ყოფილი პრეზიდენტის, მიხეილ სააკაშვილის ბოლოდროინდელი განცხადებების კომენტირებისას განაცხადა.

ვოლსკის თქმით, „არაადეკვატური ადამიანის განცხადებების ადეკვატურად შეფასება საკმაოდ რთულია”.

„სააკაშვილი ხან პოლიტიკოსის რანგში გვევლინება, ხან უკრაინის ლიდერის, ხან საქართველოს პრეზიდენტის თუ მთავრობის თავმჯდომარის. ხან ღრუბელ-ღრუბელ მოდის, ხან ზღვით და ხან ხმელეთით. აქედან გამომდინარე მე არ ვფიქრობ, რომ ადეკვატური პასუხი შეიძლება მოეძებნოს იმ განცხადებებს, რომელსაც სააკაშვილი ისვრის პერიოდულად”,- აღნიშნა გია ვოლსკიმ.