ლევან ბოძაშვილი - ევროპარლამენტმა რეზოლუციით ხელისუფლებას ბოლო შანსი მისცა, დემოკრატიული არჩევნები ჩაატაროს

პოლიტიკური მოძრაობა „სოციალური სამართლიანობის“ ლიდერის ლევან ბოძაშვილის შეფასებით, ევროპარლამენტის რეზოლუციის კანონის უზენაესობის ნაწილი შემაშფოთებლად კრიტიკულია.

მისივე თქმით, რეზოლუცია პირდაპირ აღიარებს სახელმწიფოს მიტაცებასა და კორუფციას, მოსამართლეების ბოლოდროინდელი დანიშვნების შეუსაბამობას საერთაშორისო რეკომენდაციებსა და სტანდარტებთან, საპარლამენტო კონტროლის ნაკლებობას მთავრობასა და უსაფრთხოების სამსახურებზე, მედიის უკიდურეს პოლარიზაციას, მიკერძოებასა და დამოუკიდებელი სარედაქციო პოლიტიკის ნაკლებობას.

„ეს რეზოლუცია ადასტურებს, რომ ასოცირების შეთანხმების განხორციელება არ არის ეფექტიანი სწორედ კანონის უზენაესობის დიდწილად არასათანადო არსებობის გამო. ასოცირების ძალაში შესვლიდან 5 წლის შემდეგაც კი მთავრობამ ვერ მოახერხა მისი განხორციელება ისე, რომ მოსახლეობას რეალურად ეგრძნო ის სავაჭრო-ეკონომიკური და კანონის უზენაესობის სიკეთეები, რაც ამ დოკუმენტის არსს წარმოადგენს, რაც წინაპირობაა ევროკავშირში სრულფასოვანი ეკონომიკური ინტეგრაციისა, ვერ შექმნა ისეთი ქმედითი საჯარო სამსახური, რომელიც მის განხორციელებას შეძლებდა.

რეზოლუცია პირდაპირ აღიარებს, რომ ქვეყანაში არ არის სათანადო საარჩევნო გარემო რადგან იდენტიფიცირებული ტენდენციები, როგორიცაა საარჩევნო პროცესში ადმინისტრაციული რესურსის გამოყენება, ხმების ყიდვა, ამომრჩევლის დაშინება და თავისუფლად ხმის მიცემის შეზღუდვა განსაკუთრებით საჯარო მოხელეების მიმართ, ძალადობაზე დაუსჯელობა, არ არის მოგვარებული.

ეს არის ბოლო შანსი, რომ ქვეყანამ არ დაკარგოს დემოკრატიულობის იმიჯი, ეს არის ბოლო შანსი და გაფრთხილება ხელისუფლების მიმართ ჩაატაროს დემოკრატიული არჩევნები და ეს არჩევნები არ ტარდება მხოლოდ 31 ოქტომბერს, არამედ ახლა, მთელი საარჩევნო კამპანიის პროცესში“,- აღნიშნა ბოძაშვილმა, რომლის განცხადებასაც პოლიტიკური მოძრაობა „სოციალური სამართლიანობა“ ავრცელებს.

ცნობისთვის, ევროპარლამენტმა, დღეს, 552 ხმით 61-ის წინააღმდეგ საქართველოს ევროკავშირთან ასოცირების შეთანხმების შესრულების შესახებ რეზოლუცია მიიღო. 36-პუნქტიან დოკუმენტში საუბარია საქართველოს მიერ ასოცირების ხელშეკრულების ფარგლებში აღებული ვალდებულებებისა და რეფორმების შესრულებაზე.

კონკრეტულად კი, ანგარიშის ავტორებმა შეაფასეს ისეთ მნიშვნელოვან სფეროებში მიღწევები, როგორებიც არის: პოლიტიკური დიალოგი, კანონის უზენაესობა, ადამიანის უფლებები, ეკონომიკური და სექტორული თანამშრომლობა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა