გიორგი მიქაუტაძის განცხადებით, მიუღებელია კრიტიკა, რომ "საერთო სასამართლოების შესახებ" კანონში შესატანი ცვლილებები ვენეციის კომისიის რეკომენდაციებს არ შეესაბამება

იუსტიციის უმაღლესი საბჭოს მდივნის გიორგი მიქაუტაძის განცხადებით, "საერთო სასამართლოების შესახებ" ორგანულ კანონში შესატან ცვლილებებთან მიმართებით სამუშაო ჯგუფის მონაწილეთა მიზანია, რომ ცვლილებები ვენეციის კომისიის რეკომენდაციების შესაბამისი იყოს.

როგორც მან ჟურნალისტებს პარლამენტში განუცხადა, განხილვა ეხება სამ ძირითად საკითხს: იუსტიციის უმაღლესი საბჭოს მიერ გადაწყვეტილების დასაბუთებას, ამ დასაბუთების გასაჩივრებას და კენჭისყრის ღიაობა-ფარულობას. გიორგი მიქაუტაძე მიიჩნევს, რომ პოზიციები ამ ეტაპისთვის დაახლოებულია, თუმცა, განმარტავს, რომ კვლავ რჩება გარკვეული კითხვები და დეტალები, რომელიც გადაწყვეყას საჭიროებს.

"პროცედურულად შემოთავაზებულია ახალი მოდელი კანდიდატებთან გასაუბრებისთვის,რაც ჩვენი აზრით, გარკვეულ დაბრკოლებებს ქმნის და საჭიროებს დამატებით რეგულაციებს. ასევე, შემოთავაზებული იყო ფარულობისა და ღიაობის ნაწილში შუალედური ვარიანტი, რომელიც ჩემი აზრით, ასევე დახვეწას საჭიროებს",- განაცხადა მიქაუტაძემ.

მისივე თქმით, წარმოდგენილი ცვლილებების პროექტი ეხება იმ სამ ძირითად საკითხს, რომელიც ვენეციის კომისიას ჰქონდა დაყენებული. ამიტომ, როგორც მან აღნიშნა, მიუღებელია კრიტიკა, რომ ცვლილებები ვენეციის კომისიის რეკომენდაციებს არ შეესაბამება.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის