რუსი ოპოზიციონერი პოლიტიკოსი ალექსეი ნავალნი, რომელიც ბერლინის კლინიკაში „ნოვიჩოკით“ მოწამვლის შედეგად მკურნალობს, რამდენიმე უნივერსიტეტის პროფესორებმა, რომლებიც რუსეთს იკვლევენ, 2021 წლის ნობელის მშვიდობის პრემიაზე წარადგინეს. ამის შესახებ „ფეისბუკში“ ნიუ-ჯერსის უნივერსიტეტის პროფესორმა სერგეი ეროფეევმა დაწერა.
მისი თქმით, ნავალნის კანდიდატურა დაასახელეს მეცნიერებმა და არა პოლიტიკოსებმა. თუმცა, მისი თქმით, ეს არ ნიშნავს, რომ არ გამოჩნდებიან სახელმწიფო მოღვაწეები, ან საერთაშორისო ორგანიზაციების წარმომადგენლები, რომლებიც ამ ინიციატივას მხარს არ დაუჭერენ.
ნობელის ფონდის წესების მიხედვით, ნობელის პრემიაზე კანდიდატის წარდგენის უფლება აქვთ, მათ შორის, უნივერსიტეტების რექტორებს, სოციალური მეცნიერებების, ისტორიის, ფილოსოფიის, სამართლისა და თეოლოგიის პროფესორებს და სხვებს.