გერმანიაში, ბოლო 24 საათში, კორონავირუსის 2 297 ახალი შემთხვევა დადასტურდა და ინფიცირებულთა საერთო რაოდენობა 270 070-მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს.

ამავე მონაცემების თანახმად, ქვეყანაში კოვიდ 19-ს კიდევ 6 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 9 384-ს მიაღწია.

შეგახსენებთ, ორი დღის წინ ჯანდაცვის მსოფლიო ორგანიზაციის ევროპის რეგიონული ოფისის დირექტორმა ჰანს კლუგემ განაცხადა, რომ ევროპაში კორონავირუსთან დაკავშირებით „ძალიან სერიოზული სიტუაციაა“, მისივე თქმით, ევროპის ქვეყნების ნახევარზე მეტში ახალი შემთხვევების რაოდენობა ბოლო 2 კვირის განმავლობაში თითქმის გაორმაგდა.