პარტია „რეფორმერი" საპარლამენტო არჩევნებში  13  ნომერით მიიღებს მონაწილეობას

ცენტრალურ საარჩევნო კომისიაში საარჩევნო სუბიექტების წილისყრის პროცედურა გაიმართა. პარტია „რეფორმერს" 13 ნომერი წილისყრის პროცედურის შედეგად მიენიჭა, - ამის შესახებ „ინტერპრესნიუსს“ პარტია „რეფორმერიდან“ აცნობეს.

მათივე ინფორმაციით, პარტია "რეფორმერი" ცენტრალურ საარჩევნო კომისიაში 10 აგვისტოს დარეგისტრირდა. "რეფორმერი" პოლიტიკურ პარტიად დაფუძნებამდე წარმოადგენდა ახალგაზრდულ პლატფორმას და ახორციელებდა სხვადასხვა სოციალურ, საგანმანათლებლო და კულტურულ პროექტებს რეგიონებში მცხოვრები ახალგაზრდებისთვის. ეს პროექტები მიმართული იყო ქვეყნის სტრატეგიულად მნიშვნელოვანი სფეროების განვითარებისა და სტაბილური ეკონომიკური გარემოს შექმნისთვის.

როგორც ინფორმაციაშია აღნიშნული, პარტია "რეფორმერმა" 2020 წლის საპარლამენტო არჩევნებში მაჟორიტარი დეპუტატობის კანდიდატები წარადგინა ვაკის, მთაწმინდის, ისნის, გლდანის, დიდუბე-ჩუღურეთის, აგრეთვე ბათუმისა და მცხეთა-თიანეთი-დუშეთისა და ყაზბეგის საარჩევნო ოლქებში.

" 2020 წლის საპარლამენტო არჩევნები იქნება რადიკალურად გადამწყვეტი არჩევნები. 30 წელია, ქართულ პოლიტიკაში ერთი და იგივე სახეები ტრიალებს, ისინი გვაძლევენ დაპირებებს ხან ერთი, ხან მეორე პარტიიდან, მაგრამ რეალურად არაფერი კეთდება და ქვეყნისთვის არაფერი იცვლება. ამ პროცესებში იკარგება დრო. „რეფორმერი“ არასდროს გახდება ამ პოლიტიკური პროცესის ნაწილი და ამიტომაც დავიწყეთ ახალი, განსხვავებული პროცესების შექმნა.

დღეს, საქართველოს წინაშე დგას მწვავე პრობლემები ქვეყნის ყველა სტრატეგიული მიმართულებით, დაწყებული ეკონომიკით დამთავრებული ეროვნული უსაფრთხოებით. ჩვენ თავი მოვუყარეთ წარმატებულ, მოტივირებულ და პროფესიონალ ადამიანებს ეკონომიკის, ჯანდაცვის, განათლების, ტექნოლოგიების, უსაფრთხოებისა და სხვა სტრატეგიული მიმართულებებით, რომლებსაც რეფორმერის პლატფორმა აძლევს საჭირო ინსტრუმენტებს და საშუალებებს საკუთარი გამოცდილება და ცოდნა მოახმარონ ქვეყნის განვითარებას.

ჩვენ გვსურს შევქმნათ ახალი, პოზიტიური დღის წესრიგი საქართველოსთვის, სადაც გადაწყვეტილებებს მიიღებენ პროგრესულად მოაზროვნე, პროფესიონალი, მოტივირებული, მიუკერძოებელი ადამიანები, რომლებსაც შეუძლიათ გაუმკლავდნენ ქვეყნის მართვის თანამედროვე საჭიროებებს. ჩვენი მიზანია ჩვენი გამოცდილება და რესურსი გამოვიყენოთ ქვეყნის განვითარებისთვის და დავამკვიდროთ პოლიტიკის ახალი სტანდარტი", - აცხადებს პარტია"რეფორმერის" დამფუძნებელი თორნიკე ჯანაშვილი.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე