კასპში მომხდარ მკვლელობის ფაქტზე დაკავებულს ბრალს სავარაუდოდ, დღეს წარუდგენენ

კასპში მომხდარ მკვლელობის ფაქტზე დაკავებულს ბრალს სავარაუდოდ, დღეს წარუდგენენ. დაკავებული მიხეილ კოტიაშვილი უკვე მოინახულა ადვოკატმა.

ადვოკატი, ხვიჩა ქოთოლაშვილი აცხადებს, რომ მისი დაცვის ქვეშ მყოფი მომხდარს ადასტურებს, თუმცა აცხადებს, რომ აღნიშნული დანაშაული თავდაცვის მიზნით ჩაიდინა.

"ჩემი დაცვის ქვეშ მყოფი ადასტურებს მომხდარს, მაგრამ ამბობს, რომ ჩაიდინა თავდაცვის გარემოებაში. მისი თქმით, კოტიაშვილის მიმართ ადგილი ჰქონდა ფიზიკურ ძალადობას და მან ცეცხლსასროლი იარაღი თავდაცვის მიზნით გამოიყენა",- განაცხადა დაკავებულის ადვოკატმა.

შეგახსენებთ, გუშინ საღამოს კასპში მცხოვრებმა მიხეილ კოტიაშვილმა, რომელიც ერთ-ერთ კერძო სახელოსნოში მღებავად მუშაობს, საკუთარ საცხოვრებელ სახლში ცეცხლსასროლი იარაღიდან გასროლის შედეგად, ერთი ადამიანი მოკლა, მეორეს კი დაზიანება მიაყენა. ორივე მათგანი ქარელის მუნიციპალიტეტის მცხოვრებია და კასპში მანქანის შესაკეთებლად იყვნენ ჩასული.

ამ დროისთვის არსებული ინფორმაციით, მოკლული და დაშავებული სახლში ბრალდებულთან სახლში, სუფრასთან იმყოფებოდნენ, რა დროსაც სიტყვიერი დაპირისპირება მოხდა, რასაც მასპინძლის მხრიდან სროლა მოჰყვა.

ბრალდებული ანალოგიური დანაშაულისთვის წარსულშიც არის ნასამართლევი, წლების წინ მას ორი ახალგაზრდის მკვლელობას ედავებოდა.

გამოძიება საქართველოს სისხლის სამართლის კოდექსის 108-ე მუხლით, 118-ე მუხლის 1-ლი ნაწილითა და 236-ე მუხლის მე-3 ნაწილით მიმდინარეობს, რაც განზრახ მკვლელობას, ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის მართლსაწინააღმდეგო შეძენა-შენახვას გულისხმობს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება