ტრამპის ადმინისტრაციამ სამი ქალაქი, მათ შორის ნიუ-იორკი, ანარქისტულ ქალაქებად დაასახელა

აშშ-ის პრეზიდენტის დონალდ ტრამპის ადმინისტრაციამ სამი ქალაქი: ნიუ-იორკი, პორტლენდი და სიეტლი „ანარქისტულ ქალაქებად“ დაასახელა, - ამის შესახებ ინფორმაციას BBC-ი ავრცელებს.

გამოცემა წერს, რომ ამ ქალაქებმა, შესაძლოა, ფედერალური ხელისუფლების დაფინანსება დაკარგონ.

„ჩვენ ვერ დავუშვებთ, რომ ფედერალური ბიუჯეტიდან თანხა გაიფლანგოს, მაშინ როდესაც მოქალაქეების უსაფრთხოება დაცული არ არის“, – ნათქვამია აშშ-ის გენერალური პროკურორის, უილიამ ბარის, მიერ გავრცელებულ განცხადებაში.

ის პორტლენდის, ნიუ-იორკისა და სიეტლის ადგილობრივ მთავრობებს მოუწოდებს, „შეცვალონ კურსი, სერიოზულად მოეკიდონ მთავრობის ფუნქციების შესრულების საკითხს და დაიწყონ საკუთარი მოქალაქეების დაცვა.“

აღნიშნული ქალაქების მერები ტრამპის აღნიშნულ გადაწყვეტილებას პოლიტიკურ ნაბიჯად აფასებენ და სასამართლოში სარჩელის შეტანით იმუქრებიან.

ნიუ-იორკში, პორტლენდსა და სიეტლში მაისის შემდეგ პოლიციის მხრიდან ძალის გადამეტებისა და რასიზმის საწინააღმდეგო საპროტესტო აქციები არ წყდება. პროტესტი ჯორჯ ფლოიდის გარდაცვალებას მოჰყვა, რომელიც დაკავების დროს, პოლიციელების მიერ გამოჩენილი ძალადობის შედეგად შეუძლოდ გახდა და საავადმყოფოში გარდაიცვალა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა