დავით ჭიჭინაძე - მიშამ დაიწყო სინგაპურის მოდელით, ესენი საჩხერის მოდელზე გადავიდნენ

მიშამ დაიწყო სინგაპურის მოდელით, ესენი საჩხერის მოდელზე გადავიდნენ. შუაში შეკვეთილი მაინც გაევლოთ, იქ აუზი მაინცაა თანამედროვე და საკონცერტო დარბაზი“, - ასე აფასებს პოლიტიკური მოძრაობა „ტრიბუნას“ ლიდერი, დავით ჭიჭინაძე „ოცნების“ ლიდერების წინასაარჩევნო შეხვედრებს.

ჭიჭინაძის თქმით, განვითარების მოდელი მაშინ არის კარგი, როდესაც მოქალაქეებს საკუთარი შემოსავლით დამოუკიდებლად, დახმარების გარეშე შეუძლიათ წარმართონ საკუთარი ოჯახები.

„ის, რომ ვიღაც საჩხერეში სახურავებს გადახურავს და მერე უნდა, რომ ეს მოდელი მთელ ქვეყანას მოარგოს, იმ მთავრობის საქმეც დამთავრებულია და პოლიტიკური გუნდისაც. კარგი მოდელი მაშინ არის, როდესაც ადამიანებს ისეთი შემოსავალი აქვთ, მათ დამოუკიდებლად, დახმარების გარეშე შეუძლიათ წარმართონ ოჯახიც და ქვეყანა.

სწორედ ეკონომიკა გახდა ის გამოწვევა ამ ხელისუფლებისთვის, რომლის გასაღებსაც ვერ პოულობენ, მაგრამ თურნავებით, მაჭავარიანებით, გახარიებით ვერც ვერასოდეს მოაგვარებენ ქვეყნის პრობლემებს. ამას ემატება სააკაშვილის გაუგებარი განცხადებები, რაც ადამიანებში მძაფრ ემოციებს იწვევს; მერაბიშვილის გავლენებიც საკმაოდ იგრძნობა მთელ რიგ საარჩევნო ოლქებში. მოკლედ, სანამ რუხი კარდინალობა არ დასრულდება ამ ქვეყანაში, სანამ ადამიანებს არ ეცოდინებათ ვინ ღებულობს ამ ქვეყანაში გადაწყვეტილებას და ვის ესაუბრებიან, არაფერი არასოდეს არ დალაგდება. ასევე მნიშვნელოვანია, ქვეყანაში მევახშურ-ბანკური მოდელი დასრულდეს, ადამიანების ვალებისგან უნდა გათავისუფლდნენ!“ - აცხადებს დავით ჭიჭინაძე.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით