ეროვნულ ბანკს კონკურენციის შესახებ კანონის აღსრულება დაევალება

საქართველოს ეროვნული ბანკის შესახებ საქართველოს ორგანულ კანონში შესული ცვლილებების თანახმად, ეროვნულ ბანკს კონკურენციის შესახებ კანონის აღსრულება დაევალა. ცვლილებები ძალაში 4 ნოემბრიდან შევა და შეავსებს იმ ვაკუუმს რაც კანონის აღსრულების კუთხით იდგა ბანკებისა და მიკროსაფინანსო ორგანიზაციების მიმართ.

ორგანულ კანონში ცვლილებებს წლებია ითხოვს სადაზღევევო სექტორი, რომელმაც ბანკების მხირდან კონკურენციის შესახებ კანონის დარღვევა არაერთხელ საჯაროდ დააფიქსირა. დღეს ჩვენს კითხვებს სადაზღვევო კომპანია უნისონის გენერალური დირექტორი ბატონი ვასილ ახრახაძე უპასუხებს.

ბატონო ვასილ როგორ ფიქრობთ ამ მიმართულებით საჭიროება მომწიფდა და მისი განხორციელების გადაუდებელი აუცილებლობა დრომ მოიტანა თუ სახელმწიფოსა და კერძო სექტორის ინტერესების თანხვედრას აქვს ადგილი?

ცვლილებაზე გავლენის ორივე ფაქტორი სწორედ აღნიშნეთ, როლი დრომაც ითამაშა და ხელისუფლების კერძო სექტორის მიმართ მხარდაჭერამაც.

აუდიტორიისათვის უფრო გასაგები რომ იყოს რასთან გვაქვს საქმე, მინდა იმ მიზეზებზე ვისაუბრო, რამაც ჩვენი მხირდან აღნიშნული ცვლილებების ინიცირება გამოიწვია.

2018 წლის დასაწყისში, სადაზღვევო კომპანია უნისონის მომხმარებელს, მორიგ ჯერზე, კომერციულმა ბანკმა უარი უთხრა ჩვენ მიერ გაცემული დაზღვევის პოლისის მიღებაზე. ბანკი აღიარებდა მხოლოდ მისი შვილობილი და ან მასთან მჭიდროდ აფილირებული სადაზღვევო კომპანიის პოლისებს, რითაც მომხმარებლის უფლებასთან ერთად - ესარგებლა თავისუფალი არჩევანის პირობით - უხეშად არღვევდა კონკურენციის პრინციპებს.

ჩვენ, კონკურენტული გარემოს უზრუნველყოფის მიზნით, მივმართეთ კონკურენციის სააგენტოს და ეროვნულ ბანკს. სწორედ მაშინ გამოიკვეთა კაზუსი კანონში.

ბატონო ვასილ, უფრო დეტალურად რომ განგვიმარტოთ, რომელ კაზუსზე საუბრობთ?

ჩვენი მიმართვის ორივე ადრესატმა, კონკურენციის სააგენტომ და ეროვნულმა ბანკმა, გვიპასუხა რომ კონკურენციის შესახებ კანონი ეროვნული ბანკის ქვემდებარე სფეროზე არ ვრცელდება. ამ საოცარი „აღმოჩენის“ შემდეგ, მიუხედავად უიმედო პროგნოზებისა, შევუდექით იმ რთულ გზას, რამაც დღევანდელ შედეგამდე მიგვიყვანა.

უნისონის ინიციატივით 2018 წლის 2 მაისს, მოწვეულ იქნა სადაზღვევო კომპანიების ასოციაციის სხდომა, რომლის საოქმო გადაწყვეტილებით სადაზღვევო ინდუსტრიის აბსლუტურმა უმრავლესობამ, გარდა ბანკთან დაკავშირებული 3 სადაზღვევო კოპანიისა, მხარი დაუჭირა ინიციატივას - მოთხოვნით მიგვემართა საკანონმდებლო ორგანოსთვის კანონში გასატარებელი ცვლილების თაობაზე.

შემდეგ იყო არაერთი შეხვედრა საკანონმდებლო ორგანოში საკომიტეტო მოსმენის ფორმატში, სადაც თითქმის ერთსულოვნები ვიყავით სახელმწიფო და კერძო სექტორი. სწორედ კანონმდებლების ერთსულოვანი მხარდაჭერით მივიღეთ ის შედეგი, რისკენაც მიემართა ამხელა ძალისხმევა.

კონკრეტულად, რა ხელშესახები ცვლილებები უნდა იგრძნოს მომხმარებელმა აღნიშნული ცვლილებების ძალაში შესვლის შემდეგ?

მომხმარებელს მიეცემა თავისუფლება ბანკთან სასესხო ვალდებულების აღებისას აირჩიოს სასურველი სადაზღვევო კომპანია. ეს ნიშნავს გაზრდილ კონკურენციას სადაზღვევო კომპანიებს შორის, რაც პირდაპირ აისახება მომხმარებელზე.

ჩვენ, უნისონის გუნდი, 4 ნოემბრიდან კვლავ დავდგებით მომხმარებლის უფლებების სადარაჯოზე და მსგავსი ფაქტების გამოვლენისთანავე, შემდგომი რეაგირების მიზნებისათვის, დაუყოვნებლივ მივმართავთ კონკურენციის სააგენტოსა და აწ უკვე ეროვნულ ბანკსაც.

მედიის საშუალებებსაც გთხოვთ, რაც შეიძლება მასიურად უზრუნველყოთ ამ სასიკეთო ცვლილების გაშუქება, რათა ნებისმიერი პირი (ფიზიკური თუ იურიდიული) ინფორმირებული იყოს მისი განსაკუთრებული უფლების - ისარგებლოს თავისუფალი არჩევანის პირობით - დაცვის შესაძლებლობებზე.

(R)

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე