თბილისის საქალაქო სასამართლოსთან შეკრებილი ადვოკატთა კორპუსის წარმომადგენლები სასამართლოსა და პროკურატურას მიმართავენ.
როგორც ადვოკატმა ალექსანდრე კობაიძემ სიტყვით გამოსვლისას განაცხადა, ისინი მიხეილ რამიშვილზე ზეწოლას აპროტესტებენ. მისივე თქმით, ადვოკატზე ზეწოლას “პროკურატურა ახორციელებს, რაშიც მათ სასამართლო ეხმარება”.
კობაიძის განმარტებით, უფლება არ ჰქონდათ, რამიშვილისთვის ტელეფონი წაერთმიათ და დაკითხვაზე დაებარებინათ.
"შესაძლებლობას არ მივცემთ უსამართლოდ მოახდონონ მიხეილ რამიშვილზე ზეწოლა. თუკი ბრალის წარდგენა მოხდება, პროტესტი უფრო დიდი იქნება", - აცხადებს კობაიძე.