„თავისუფალმა საქართველომ“ ჭიათურის მცხოვრებლებს მედიკამენტები გადასცა

„თავისუფალმა საქართველომ“ ჭიათურის მცხოვრებლებს „იაფი მედიკამენტების პროგრამის“ ფარგლებში, დღეს წამლები გადასცა. პარტია აღნიშნულ პროგრამას 2019 წლიდან წარმატებით ახორციელებს და ამ ხნის განმავლობაში ასობით ოჯახმა მედიკამენტებზე შეღავათებით ისარგებლა,- ამის შესახებ “ინტერპრესნიუსს“„თავისუფალი საქართველოდან” აცნობეს.

„პანდემიის პირობებშიც კი მზად ვართ მოსახლეობას მაქსიმალურად დავეხმაროთ და იაფი მედიკამენტები საკუთარი ძალებით მივაწოდოთ. სამწუხაროდ, ხელისუფლება, მხოლოდ საკუთარი ინტერესებით მოქმედებს და უმძიმეს პირობებში ჩავარდნილ მოსახლეობას კიდევ უფრო აღარიბებს, წინააღმდეგ შემთხვევაში შეუძლებელი იქნებოდა აფთიაქებში 500%-ანი ფასების ზრდა იმ მედიკამენტებზე, რომელიც თურქეთში ოთხჯერ, ხუთჯერ უფრო იაფი ღირს“, - განაცხადა „თავისუფალი საქართველოს“ ლიდერმა.

კახა კუკავამ დღეს ამომრჩევლებთან შეხვედრისას, ასევე პირობა დადო, რომ „იაფი მედიკამენტების პროგრამა“ მომავალშიც გაგრძელდება.

„ჩვენ ვზრუნავთ ადამიანებზე, როგორც არჩევნებამდე, ასევე არჩევნების შემდეგაც, ასე რომ მომავალშიც აქტიურად დაგიდგებით გვერდით, ვინაიდან, „თავისუფალი საქართველოს“ უმთავრესი ამოცანა რეალური საქმის კეთებაა და არა ფუჭი დაპირებები“,- განაცხადა კახა კუკავამ.

პარტიის პრესსამსახურის ინფორმაციით, დღეს ჭიათურის მცხოვრებლებს შემდეგი მედიკამენტები გადაეცათ:

  1. ქსარელტო 20მგ, ჩვენი ფასი - 68.37, საქართველოს აფთიაქების ფასი- 128.19
  2. ტრიპლიქსამი 10/2,5/10მგ, ჩვენი ფასი -16.61, საქართველოს აფთიაქების ფასი - 49.19ლ.
  3. იანუმეტი 50/1000მგ, ჩვენი ფასი - 41.34, საქართველოს აფთიაქების ფასი - 158.59
  4. სინგულარი 10მგ, ჩვენი ფასი - 21.16 საქართველოს აფთიაქების ფასი - 35.95
  5. ვანსეარი 5მგ, ჩვენი ფასი - 29.57, საქართველოს აფთიაქების ფასი - 62.45ლ
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო