ნუკრი ქანთარია  - „ქართული ოცნების“ სიაში არ ვიქნები - საკმარისია, უნდა იცოდე მოსვლაც და წასვლაც

გარდაუვალი აუცილებლობაა დღეს, რომ „ქართული ოცნება“ ისევ უმრავლესობით მოვიდეს და ჩვენი ამომრჩეველი, ვფიქრობ, რომ ამას გადაწყვეტს, - ასე უპასუხა საპარლამენტო უმრავლესობის წევრმა ნუკრი ქანთარიამ „პალიტრანიუსის“ გადაცემა „დღის ნიუსრუმის“ წამყვანის კითხვას, აქვს თუ არა მმართველ პარტიას მესამე ვადით ხელისუფლებაში დარჩენისა და ქვეყნის წარმატების გზაზე წაყვანის რესურსი.

ნუკრი ქანთარიას შეფასებით, „ქართული ოცნების“ ხელისუფლებაში დარჩენის გარდაუვალობას, არსებული პოლიტიკური გარემო და „დასახიჩრებული ოპოზიციური ჯგუფები“ იწვევს.

„გარემო არის სწორედ ისეთი, რომ გადავხედოთ, რა ტყუილების კამპანიაც მიდის, ფაქტობრივად, როგორი დასახიჩრებულია თვითონ ნებისმიერი ოპოზიციური ჯგუფი თავისი წარსულით, თავისი მავნებლობით, გაყოფით. ერთმანეთს ახლა ვითომ არ ცნობენ, წარმოგიდგენიათ?! ახლა სააკაშვილს არ ცნობს სააკაშვილის მიერ დაბადებული ხალხი. ეს ყველაფერი იცის საზოგადოებამ, საზოგადოება დღეს პოლიტიკურ სპექტრზე ათი თავით მაღლა დგას“,- განაცხადა ნუკრი ქანთარიამ.

ქანთარიამ საკუთარ პოლიტიკურ მომავალზეც ისაუბრა და აღნიშნა, რომ თავად მან და „ქართული ოცნების“ გუნდმა მისი დარჩენის აუცილებლობა ვერ დაინახეს.

„საკმარისია, უნდა იცოდე მოსვლაც, უნდა იცოდე წასვლაც. ამიტომ 8 წელი ჩემთვის ამ გარემოში ყოფნა უკვე აბსოლუტურად საკმარისია და ვფიქრობ, რომ ახლა უნდა მოვიდნენ ახალი ძალები, ენერგიული, მოტივირებული.

თუ ამას შევატყობდი და გუნდიც შეატყობდა, რომ ჩემი ყოფნის ძალიან დიდი აუცილებლობაა გუნდისთვის, რასაკვირველია მე მაშინ ვიქნებოდი, მაგრამ ასეთი აუცილებლობა არ უნდა დამდგარირო და არც დამდგარა და ამდენად აბსოლუტურად სუფთა სინდისით მე ამ სიაში არ ვიქნები,“- განაცხადა ნუკრი ქანთარიამ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა