საქართველოს პრემიერ-მინისტრი გიორგი გახარია 29 სექტემბერს ნატო-ს გენერალურ მდივანს იენს სტოლტენბერგს შეხვდება, - ინფორმაციას ჩრდილოატლანტიკური ალიანსის პრესსამსახური ავრცელებს.

მათივე ინფორმაციით, იენს სტოლტენბერგი გიორგი გახარიას ბრიუსელში 29 სექტემბერს უმასპინძლებს, პრემიერთან ერთად ნატო-ს სათაო ოფისს საგარეო საქმეთა მინისტრი დავით ზალკალიანიც ეწვევა.

შეხვედრის შემდეგ მხარეების ერთობლივი განცხადებებიც არის დაგეგმილი, რომელიც ნატო-ს ვებგვერდზე პირდაპირ ეთერში გადაიცემა.