სოხუმის დაცემის დღესთან დაკავშირებით, საქართველოს მთელს ტერიტორიაზე ადმინისტრაციულ შენობებზე სახელმწიფო დროშები დაეშვა.
სოხუმის დაცემის 27 წლისთავთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით, დროშა დაშვებულია საქართველოს მთავრობის ადმინისტრაციისა და პარლამენტის შენობაზე.
სოხუმის დაცემიდან დღეს 27 წელი შესრულდა. ქართული მხარის ამ დრომდე დაუზუსტებელი მონაცემებით, აფხაზეთში 1992-1993 წლებში მიმდინარე სამხედრო დაპირისპირებისას, ქართული მხრიდან 10 ათასზე მეტი ჯარისკაცი და მშვიდობიანი მოქალაქე დაიღუპა. 300 ათასი აფხაზეთიდან დევნილი ქართველი კი უსახლკაროდ დარჩა. აფხაზური მხარის მონაცემებით კი, დაიღუპა 3 500 და დაიჭრა 2 ათასამდე აფხაზი.