ემზარ კაკულია - რუსეთი ოკუპანტია, მან უნდა შეასრულოს 2008 წელს აღებული ნაკისრი ვალდებულება

რუსეთი ოკუპანტია, მან საერთაშორისო თანამეგობრობის წინაშე 2008 წელს აღებული ნაკისრი ვალდებულება უნდა შეასრულოს, - ამის შესახებ ,,თავისუფალი დემოკრატების“ გენერალურმა მდივანმა, ემზარ კაკულიამ გმირთა მემორიალთან განაცხადა.

მისი თქმით, რუსეთის მიზანი იყო, არის და იქნება არა მხოლოდ საქართველოს ტერიტორიული მთლიანობის მორღვევა, არამედ ქართული სახელმწიფოს დასუსტებაც.

,,რუსეთის ოკუპანტური მისწრაფებების კიდევ ერთი დასტურია 2008 წელს გაგრძელებული ომი - საქართველოს ოკუპაცია. რუსეთი აგრძელებს საქართველოს ტერიტორიების 20%-ზე მეტის ოკუპაციას, ყოველდღიურად არღვევს საერთაშორისო სამართლის ნორმებს და საერთაშორისო ხელშეკრულებით ნაკისრ ვალდებულებებს. რუსეთი ოკუპანტია და მან აუცილებლად უნდა შეასრულოს 2008 წელს აღებული ნაკისრი ვალდებულება საერთაშორისო თანამეგობრობის წინაშე. ჩემთვის, როგორც აფხაზეთის შვილისთვის, 27 სექტემბერი გლოვის, ხსოვნის და იმედის დღეა. ჩვენ, ,,თავისუფალი დემოკრატები“პატივს მივაგებთ დაღუპულთა ხსოვნას და ვუსამძიმრებთ მათ ოჯახებს. მიუხედავად დევნილი მოსახლეობის გაჭირვებისა, დღევანდელ დღეს უნდა ვიყოთ ერთიანი და პატივი მივაგოთ ომში დაღუპულ გმირებს“ , - განაცხადა ემზარ კაკულიამ.

ინფორმაციას „თავისუფალი დემოკრატების“ პრესსამსახური ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით